Aishwarya Mishra

Romance


3  

Aishwarya Mishra

Romance


ଭାବ ସହରରେ ପ୍ରିୟା

ଭାବ ସହରରେ ପ୍ରିୟା

1 min 145 1 min 145


ଭାବର ସହରେ ନିତି ନିତି ସଖି ତୁମ ସହ ଦେଖା ହୁଏ

ଅଭାବୀ ମନର ଦରଦୀ ବେଦନା ଲୁହ ହୋଇ ଝରିଯାଏ   ।। ୧ ।।


ବୈଶାଖ ଆଣଇ ବରଷାର ତୃଷ୍ଣା, ମଧୁ ମିଳନ ଲାଳସା

କୃଷ୍ଣଚୂଡ଼ା ହସେ ମନ ପ୍ରାଙ୍ଗଣରେ ଆଙ୍କି ପ୍ରୀତି ପରିଭାଷା ॥


ଶ୍ରାବଣ ଆସିଲେ ତୁମ ସ୍ମୃତିସବୁ ଆତୁରେ ବତୁରି ଯାଏ

ଅଭାବୀ ମନର ଦରଦୀ ବେଦନା ଲୁହ ହୋଇ ଝରିଯାଏ   ।। ୨ ।।


ମୌସୁମୀ ଆସନ୍ତେ ଝରିଲେ ବରଷା, ମନ ହୁଏ ଆନମନା

ବାହୁ ବନ୍ଧନରେ ନ ପାଇ ତୁମକୁ ବଢଇ ହୃଦ ବେଦନା    ।। ୩ ।।


ପ୍ରେମ ବିରହରେ ହଜି ହଜି ମୁଁ ଯେ, ଲେଖଇ ପ୍ରୀତି-କବିତା 

କବିତା ଛନ୍ଦରେ ଲୁଚକାଳି ଖେଳେ, ଅନ୍ତର ଭିତର ବ୍ୟଥା ॥


ତୁମ ସାନ୍ନିଧ୍ୟରେ ରହିବାକୁ ସଦା, ମନ ମୋର ଝୁରୁଥାଏ

ଭାବର ସହରେ, ନିତି ନିତି ସଖି ତୁମ ସହ ଦେଖା ହୁଏ   ।। ୪ ।।


ଭାବର ସହରେ ରାଜଜେମା ତୁମେ, ପ୍ରେମର ଅଳକାନନ୍ଦା 

ଗୋଲାପୀ ମନର ରଙ୍ଗୀନ ସପନ, ପ୍ରୀତିମୟୀ ପ୍ରୀତିଛନ୍ଦା ।। ୫ ।।


Rate this content
Log in

More oriya poem from Aishwarya Mishra

Similar oriya poem from Romance