ଲାଇବ୍ରେରୀ
ପ୍ରୋଫାଇଲ୍
ପ୍ରାୟଶ୍ଚିତ
ପ୍ରାୟଶ୍ଚିତ
1 min
185
ପ୍ରାୟଶ୍ଚିତ କାହିଁକି
ସମ୍ପର୍କର ସୁତାଖିଅ ଅଡ଼ୁଆ ହେବା
ତୁମେ ମୁଁ ,
ଅଜଣା ଦିଗର ଯାତ୍ରୀ ସାଜିବା
ପରସ୍ପରକୁ ଭୁଲ୍ ବୁଝିବା
ଏମିତି ହେବ କାହିଁକି ?
ପ୍ରାୟଶ୍ଚିତ ଦଣ୍ଡ ନହେଉ,
ପ୍ରେମ ଅପଶବ୍ଦ ନହେଉ
ହୃଦୟ ବିଦଗ୍ଧ ନହେଉ
ସ୍ମୃତି ସବୁ ଛାତି ତଳେ
ଅଣ ନିଃଶ୍ୱାସୀ ନ ହୁଅନ୍ତୁ ।
ସମ୍ପର୍କ ଓଠରେ ହସ,
ଏଇମିତି ହସ ମୁରୁକି ହସୁ ଥାଉ
ତୁମେ ମୋର ଆଉ
ମୁଁ ତୁମର ହେଇ ରୁହେ ।
ପ୍ରାୟଶ୍ଚିତ ମଧୁ ମଳୟ ବାସ୍ନାରେ,
ଶବ୍ଦ ସତ୍ତା ହରେଇ ବସୁ
ମନ ବନର ସ୍ନିଗ୍ଧତା
ଅନ୍ତଃଭାବକୁ ଖୋରାକ ଦେଉ ।
ଦୋଷାରୋପର କୁହେଳିକା
ଅପସରି ଯାଉ,
ଆମ ପ୍ରେମ ବାତାୟନ ଦେଇ
ବରଷି ଯାଉ ବିଶ୍ଵାସର ବର୍ଷା
ହେ ସାଥି ମୋର, ଶୁଣ ହୃଦୟର
ମନଜିଣା ମୂର୍ଚ୍ଛନା ପ୍ରେମ ଜୁଆର !!
