ଚିତ୍ର ଚରିତ -23 : କବିତା: ମୋ ପ୍ରେମିକା

କାଗଜ ମୋ କହୁ କିବା କଲମ ମୋ କହୁ,

ତୁମ ନାମକୁ ଲେଖିଲେ ଝରିପଡେ଼ ମହୁ |

ତୁଣ୍ଡରେ ମୁଁ କହେ ଅବା ମନରେ ମୁଁ କହେ,

ହୃଦୟ କହୁଛି ଖାଲି ତୁମକୁ ମୁଁ ଚାହେଁ |

ବହୁଦୂରେ ହେଉ ଅବା ଅତି ପାଶେ ହେଉ-

ତୁମ ରୂପ ମୋ ଆଗରେ ଜଳେ ଦାଉଦାଉ |

କାଗଜ ମୋ କହୁ କିବା କଲମ ମୋ କହୁ |

ଜହ୍ନରେ ମୁଁ ଦେଖେ ପୁଣି ଫୁଲରେ ମୁଁ ଦେଖେ,

ତୁମ ନାମ ଧରି ତାଙ୍କୁ ପାଖକୁ ମୁଁ ଡାକେ |

ନିରୋଳାରେ ଥାଏ କିବା ଚେଇଁ ରହିଥାଏ,

କିଏ ଡାକିଦେଲେ ତୁମ ନାମ ଶୁଣାଯାଏ |

ତୁମବିନା ଅସହାୟ ସବୁ ଥାଉଁଥାଉଁ |

କାଗଜ ମୋ କହୁ କିବା କଲମ ମୋ କହୁ |