"ସ୍ମୃତି ତୁମେ"

ସ୍ମୃତି ତୁମେକେବେ ଅତି ଆପଣାର 

ହୃଦୟ ତଳର ଗୀତି ,

ସ୍ମୃତି ତୁମେ କେବେ ଅତି ଭୟଙ୍କର 

କିଟିମିଟି କଳାରାତି l

ତୁମେ କେବେ ସ୍ମୃତି ଚେନାଏ ହସର 

ପ୍ରଶାନ୍ତି ର ଚିହ୍ନ ବର୍ଣ୍ଣ ,

 ତୁମେକେବେ ପୁଣି ଭାବନା ପ୍ରାଙ୍ଗଣେ 

ବିଷାଦରେ ପରିପୂର୍ଣ୍ଣ l

ସ୍ମୃତି ତୁମେ କେବେ ଆଶା ଆକାଂକ୍ଷାର 

ଜ୍ୟୋତ୍ସ୍ନା ଭିଜା ଜହ୍ନରାତି,

କେବେ ତୁମେ ସ୍ମୃତି ବିରହି ପ୍ରଣରେ 

କୁହୁଳା ନିଆଁର ତାତି l

ସ୍ମୃତି ତୁମେ କେବେ ନିଷ୍ଠୁର ନିର୍ମମ 

ଶତ୍ରୁ ଠାରୁ ଭୟଙ୍କର ,

ପୁଣି ତୁମେ କେବେ ଦରଦୀ ବନ୍ଧୁଟେ 

ତୁଳନା ନାହିଁ ଟି ଯା''ର l

ସ୍ମୃତି ତୁମେ କେବେ କାକର ଟୋପାର 

ମୁକୁତା ର ରୂପରେଖ,

କେବେ ପୁଣି ତୁମେ ଝଡବର୍ଷା ରାତି 

ଦୁଃଖ ଆଉ ଖାଲି ଦୁଃଖ l

ଏ ଜୀବନ ସତେ ସ୍ମୃତିର ସହର 

ଆଜି ଯାହା କାଲି ସ୍ମୃତି ,

ସ୍ମୃତିବିନା କିଛି ନାହିଁ ଏ ଜୀବନେ 

ନାହିଁ ବି ବିଲୟ ସ୍ଥିତି l