ରକ୍ଷାକର ପ୍ରଭୁ

ରକ୍ଷା କର ପ୍ରଭୁ      ନିରୀହ ଜନକୁ

      ଦିଅ ନାହିଁ ଆଉ କଷ୍ଟ

ସାରା ଜଗତକୁ      ବିଶ୍ୱ ମହାମାରୀ

      କରି ଦେବ ପୁଣି ନଷ୍ଟ ।୦।

କରୋନା ଗ୍ରାସୁଛି     ମଣିଷମାନଙ୍କୁ

    ପଶୁ ପକ୍ଷୀ ଠାରେ ନାହିଁ

କାହିଁକି ଏ ଲୀଳା     ତୁମରି ସଂସାରେ

     ତୁମକୁ କି ଜଣା ନାହିଁ ? ।୧।

ତୋ ପାଦେ ଶରଣ    ପଡୁଛି ମଣିମା

     ଭକ୍ତ ପ୍ରତି ଦିଅ ଲୟ

ମାରିଲେ ମାରିବ     ରଖିଲେ ରଖିବ

   ନାହିଁ ମୋ ମନରେ ଭୟ ।୨।

ଦେଇ ଥିଲ ସୁଖ     ଦେଲ ପୁଣି ଦୁଖଃ

      ପୁରୁବ ବରଷ ପରି

କେମିତି ବଞ୍ଚିବେ     କରୋନା ଦାଉରୁ

    ତୁମେ କୁହ ଚକ୍ରଧାରୀ ।୩।

ଅଙ୍କାବଙ୍କା ଏଇ     ଜୀବନ ବାଟରେ

    ତୋର ବିନା କେହି ନାହିଁ

ଯିବାକୁ ଅଛି ଯେ    ଅନେକର ପଥ

     ବାଟ କାଢ଼ି ନେବୁ ତୁହି ।୪।

ପନ୍ଦର ମାସ ହେଲା   ହସ ଲିଭି ଲାଣି

     ଓଠ ବି ହୋଇଛି ବନ୍ଦୀ

ହସିବାକୁ କିସ     ରଖିଛ ହେ ପ୍ରଭୁ

      ଦିନ ଯାଏ ତୁଣ୍ଡି ବାନ୍ଧି ।୫।

ତଥାପି ବିଶ୍ୱାସ     ରହିଛି ତୁମଠି

      ଘଟି ଯାଉ ସବୁ କିଛି

ତୁମେ ହିଁ କରିବ    ସଙ୍କଟୁ ଉଦ୍ଧାର

     ଆଖିର ଲୁହକୁ ପୋଛି ।୬।

🙏🙏🙏🙏🙏🙏🙏🙏🙏