ମୁଁ ଚାହେଁ ତୁମକୁ

ଖାଲି ଆଜି କାହିଁକି ,

ମୁଁ ଚାହେଁ ତୁମକୁ 

ସବୁଦିନ .....,

କାଲି ବି ଚାହୁଁଥିଲି ,

ଆଗକୁ ବି ଚାହିଁବି .....।

ତୁମରି ଲାଗି ତ, 

ଏ ମନ ଟା ଚାହିଁ ରହିଛି 

ତୁମରି ବାଟ କୁ ......,

ସେ ଠିକ୍ ଜାଣିଛି ତୁମେ ଆସିବ , 

ହୁଏତ ଅଳ୍ପ ସମୟ ପାଇଁ , 

କିନ୍ତୁ ତୁମେ ଆସିବ .....।

ମୁଁ ଚାହିଁ ରହେ ସବୁ ଦିନ ତୁମକୁ , 

ଆଉ ତୁମେ ଯେବେ ଆସ, 

ସମୟ ଟା କେତେବେଳେ କମି ଯାଏ , 

ମୁଁ ଜାଣି ପାରେନା ....।

ମନରେ ଥାଏ ଅନେକ କଥା , 

ତୁମକୁ ଦେଖି , 

ଏ ମନ ସବୁ ଭୁଲି ଯାଏ , 

ଖାଲି ମନେ ରଖେ ତୁମକୁ .....।

ତୁମେ ପୁଣି ଥରେ ଆସିବାର ଆଶା ଦେଇ ଯାଅ ମୋତେ , 

ମନ ପୁଣି ଥରେ ଚାହିଁ ରହେ ତୁମକୁ ......।

ଏ ବର୍ଷ ତ ସରିଗଲା , 

ତୁମେ ଅଜାଡ଼ି ଦେଲ ଅନେକ ସ୍ନେହ ମୋ ଉପରେ ...,

ମୁଁ ଋଣୀ ହୋଇ ରହିଗଲି ତୁମ ଠାରେ ,

ତୁମରି ପ୍ରତି ଟି କଥା ଥିଲା ଅତି ମଧୁର , 

ଯେବେ ତୁମେ ମୋତେ ଦେଖୁଥାଅ, 

ମୋତେ ଲାଗେ , 

ତୁମେ କେବଳ ମୋର ...।

ତୁମେ ପୁଣି ଥରେ କଥା ଦେଇ ଦିଅ, 

ଏଇ ନୂଆ ବର୍ଷ ପାଇଁ , 

ତୁମେ ରହିବ କେବଳ ମୋର ହୋଇ , 

ମୁଁ ଚାହିଁ ରହିଥିବି , 

ଅପଲକେ କେବଳ ତୁମରି ପାଇଁ ....।

ମୁଁ ଏବେ ବି ଚାହିଁ ରହିଛି ତୁମ ପାଇଁ ....।

ମୁଁ ଚାହେଁ ତୁମକୁ , 

କେବଳ ତୁମକୁ ......।