ଲାଇବ୍ରେରୀ
ପ୍ରୋଫାଇଲ୍
ସମ୍ମୋହନ
ସମ୍ମୋହନ
1 min
120
ଦୁନିଆର ଭିଡ଼ ଭିତରେ
ଏମିତି ଏକ ଖାସ୍ ଚେହେରା
ଭୁଲିବାକୁ ଚାହିଁଲେ ବି
ଭୁଲି ହୁଏନି ତାକୁ ଜୀବନସାରା!
ଘନ ମେଘାଛନ୍ନ ଆକାଶରେ
ବିଜୁଳି ଚମକ ସମ ଦିଶୁଥାଇ
ରୂପେଲି ପ୍ରତିବିମ୍ବ ତା'ର
ମାତ୍ର କିଛି କ୍ଷଣ ରହି ରହି!
କିନ୍ତୁ ମୋ ମନ ଆକାଶରେ
ରହିଛି ସେ' ଘର କରି
ପ୍ରୀତି ସୋହାଗରେ
ମହା ଆନନ୍ଦରେ
ଯେତେ ଚାହିଁଲେ ବି
ମୁହିଁ ପାରେନି ବିସ୍ମରି!
ମନ ମସ୍ତିସ୍କକୁ ରହିଛି ଆବୋରି
ମୋ ଜାଗତିକ ସତ୍ତାକୁ
ଯେ' ରହି ଅଛି ଘେରି
ଇଏ ମୋହ ମାୟା ଅବା
ମୋ ମନର କଳ୍ପନା
ମୁଁ ଜାଣି ତ ପାରେନା!!
ଅଦୃଷ୍ଟ ଅଜ୍ଞାତ ଅପରିଚିତ
ଅଥଚ଼ ଅତି ଆପଣାର
କେଜାଣି କାହିଁକି ଲାଗଇ
ଅସମ୍ଭବ ମୋତେ
ମୁହୂର୍ତ୍ତଟିଏ ବି କାଟିବା
ବିନା ତାହାର ସ୍ମୃତିରେ
ଚିନ୍ତନରେ ଅବା ସାନିଧ୍ୟରେ!!
