ପ୍ରେମ ର ଗୋଲାପ

ଯେବେ ବି ଦେଖେ ଗୋଲାପି ରଙ୍ଗ , 

କାହିଁକି କେଜାଣି ତୁମେ ଭାରି ମନେ ପଡ

ମନେ ପଡେ ତୁମର ସେଇ ମିଠା ମିଠା କଥା , 

ମନେ ପଡେ ଡେରି ରାତି ଯାଏଁ ତୁମର ପ୍ରୀତି ଭରା ଶବ୍ଦ ସବୁ , 

ମନେ ପଡେ ତୁମର ଚପଳାମି ।

ତୁମେ କେବେ ବି ସହି ପାରନା, 

ମୁଁ ଆଉ କିଛି ରଙ୍ଗ ଆପଣେଇ ଦେଲେ , 

ଖାଲି ଗୋଟିଏ ଜିଦ୍ ଥାଏ ତୁମର

ଗୋଲାପି ।

କାହିଁକି ଯେ ଏ ରଙ୍ଗ ତୁମର ଏତେ ପସନ୍ଦ , 

ମୁଁ କେବେ ବି ପଚାରେନା

ବିନା ପ୍ରଶ୍ନ ରେ ମୁଁ ବି ନିଜକୁ ଢାଙ୍କି ଦିଏ , ଗୋଲାପି ଆବରଣ ରେ ।

ଡେରି ମିଲ୍କ ଚକୋଲେଟ ସହ ଧରେଇଥିଲି ଗୋଲାପ ଟେ ତୁମ ହାତରେ , 

ତୁମେ ଅତି ସ୍ନେହ ରେ ଚାହିଁଥିଲ , 

ଟିକିଏ ଟିକିଏ ବାଣ୍ଟି ନେବା ଚକୋଲେଟ କୁ ଦୁଇ ଜଣ ଙ୍କ ଭିତରେ , 

କିନ୍ତୁ ମୁଁ ଅଭିମାନିନୀ ସାଜି ,

ତୁମ ଆଡେ ମୁହଁ ବଙ୍କେଇ ରହୁଥିଲି, 

କାହିଁକି ନା ଭାରି ଭଲ ଲାଗେ , 

ଯେବେ ତୁମେ ମୋତେ ମନେଇ ନିଅ , 

କେବେ କେବେ ନ ରାଗି ବି , 

ରାଗିବାର ଅଭିନୟ କରି ପକାଏ , 

ତୁମେ ଭାରି ବ୍ୟସ୍ତ ହୋଇ ମୋତେ ମନେଇ ନିଅ.....।

ଯେବେ ତୁମେ ମୋ ହାତକୁ ନେଇ , 

ଥାପି ଦିଅ ତୁମ ହୃଦ ସ୍ପନ୍ଦନ କୁ ଅନୁଭବ ପାଇଁ , 

କାହିଁକି କେଜାଣି ଭାରି ବ୍ୟସ୍ତ ଲାଗେ ......।

ଆଜି ତୁମ ଠୁ ମୁଁ ବହୁ ଦୂରରେ , 

ତୁମେ ନାହଁ ଆଜି ମୋ ହାତ ପାହାନ୍ତା ରେ , 

ଖାଲି ପଡ଼ି ରହିଛି କିଛି ସ୍ମୃତି , ମନ ର କେଉଁ ଏକ କୋଣ ରେ ....।

ତୁମ ସ୍ମୃତି କୁ ନଦୀ ର ପାଣି ରେ ମୁଁ ଦେଇଛି ଭସେଇ , 

ତୁମେ ବି ତ ମୋର ସ୍ମୃତି ର ଉପହାର କୁ ନଦୀ ସୁଅ ରେ ଭସେଇ 

ପଠେଇ ଦେଇଛ ସମୁଦ୍ର ସହ ଲୀନ ହେବାକୁ , 

ତଥାପି ବାକି ରହି ଯାଇଛ କିଛି .....।

ଆଜି ବି କିନ୍ତୁ ଏ ଗୋଲାପି ରଙ୍ଗ ମନେ ପକେଇ ଦିଏ , 

ତୁମକୁ ......।