ଅପେକ୍ଷା

ଅପେକ୍ଷା
******

ଅପେକ୍ଷା ଶବ୍ଦ ହିଁ ନିରାଲା , 
କିଏ କାହୁଁ ବୁଝି ପାରିବ ,
ଏ ଶବ୍ଦ କୁ ..., 
ଏ ଶବ୍ଦ ର ମର୍ମ କୁ ....।

ଯିଏ ବିନା କଷ୍ଟ ରେ ସବୁ ପାଇଛି , 
ସେ କାହିଁ ଜାଣିବ , 
ଏ ଅପେକ୍ଷା କେତେ ମୂଲ୍ୟବାନ ...।

ସଭିଏଁ କି ବୁଝି ପାରିବେ ,
ରାଧା କାହିଁକି କରୁଥିଲେ ଅପେକ୍ଷା 
କୃଷ୍ଣ ର ବାଉଁଶି ସ୍ୱର କୁ ...।

କେହି କଣ ବୁଝି ପାରିବେ ..., 
ଯଶୋଦା କାହିଁକି ଅପେକ୍ଷା କରୁଥିଲେ ,
ତାଙ୍କ କହ୍ନେଇ ର ଆସିବା ବାଟ କୁ ....।


କିଏ କାହୁଁ ବୁଝିବ, 
କେତେ ଯୁଗ ପାଷାଣ ହୋଇ ପଡ଼ି ଥିବେ , 
ଅହଲ୍ୟା ...., 
ରାମ ଙ୍କ ପାଦ ସ୍ପର୍ଶ ପାଇବାକୁ ...।

ଏତେ ସହଜେ ବୁଝି ହୁଏନା ଏ ଶବ୍ଦ କୁ ....।


ଯିଏ ଅପେକ୍ଷା କରିଛି , 
ସେ ହିଁ ଜାଣିଛି , 
କେତେ ପବିତ୍ର ଏ ଶବ୍ଦ ...,

କେତେ ପବିତ୍ର ଏ ଅନୁଭବ ..., 
କେତେ ଶାନ୍ତି ମିଳେ ସେ ଅପେକ୍ଷା ରେ .....।

କେତେ ଖୁସି ମିଳେ ସେ ଅପେକ୍ଷା କରି ,
ନିଜକୁ ହଜେଇ ଦେବାରେ ....।

ଅପେକ୍ଷା ଏକ ଶବ୍ଦ ନୁହେଁ , 
ଏକ ଅନୁଭବ , 
ଏକ ଭାବ , 
ଏକ ପ୍ରେମ , 
ଏକ ତ୍ୟାଗ ...., 
ଏକ ନିଃସ୍ଵାର୍ଥପରତା ର ପ୍ରତୀକ