ଆରକ୍ଷଣ

ଆରକ୍ଷଣ
*******

ମୁଁ ପ୍ରତିରୋଧ କରେ ନାହିଁ ଆରକ୍ଷଣ କୁ , 
ତଥାପି ..., 
ମନ ଟି କୋହଳି ଉଠେ ଯେବେ , 
ମୁଁ ଫେରି ଆସେ ଚାକିରୀ ର ଦୁଆର ମୁହଁ ରୁ ...।
ଥରେ ନୁହେଁ , ଦୁଇ ଥର ନୁହେଁ , 
ବାରମ୍ବାର , ଘାତ ପାଏ , ଯେବେ କିଛି ପ୍ରତିଶତ ମାର୍କ ର ଅନ୍ତରାଳେ 
ରହିଯାଏ ମୁଁ ପଛରେ ...।

ନା ମୁଁ ସୁବିଧା ପାଏ ପଢା ରେ , 
ନା ପରୀକ୍ଷା ର କୃତ ପାଇଁ ନମ୍ୱର ରେ , 
ନା ଆରକ୍ଷିତ ହୁଏ ମୁଁ ଚାକିରୀ ର ଚୟନ ତାଲିକା ରେ ...।

ଅଣ ଆରକ୍ଷଣ ନାମ ରେ , 
ବୃଥା ହୁଏ ମୋ ପରିଶ୍ରମ , 
କେହି ବୁଝେ ନାହିଁ ମୋ ରାତି ଅନିଦ୍ରା ର କାହାଣୀ କୁ ...।

ଧିକ୍କାର କରେ ମୁଁ ନିଜକୁ ...,
ଅସଫଳତା ସ୍ଵାଦ କୁ ଆଉ ଚାଖିବାକୁ ଚାହେଁ ନା, 
ତଥାପି ଆଲିଙ୍ଗନ କରେ ମୁଁ , 
ବାରମ୍ବାର ସେଇ ଅସଫଳତା କୁ , 
ସମାଜ ର ଅଟ୍ଟହାସ୍ୟ କୁ ......।

ମନେ ହୁଏ ଅସଫଳତା ବେତାଳ ସାଜି 
ଝୁଲି ରହେ ମୋ କାନ୍ଧରେ , 
ପ୍ରଶ୍ନ କରେ ମୋ ପରିଶ୍ରମ ଉପରେ ...।

ଆରକ୍ଷଣ ଯଦି ଏକ ସୁବିଧା , 
ତେବେ ଆମେ କାହିଁକି ବଞ୍ଚିତ ସେ ସୁବିଧା ରୁ ....।

ଦିନେ ସମ୍ବିଧାନ ର ପୃଷ୍ଠା ସମାନତା ପାଇଁ କୋଳେଇ ଥିଲା , 
ଏହି ଆରକ୍ଷଣ କୁ , 
ସମାଜ ପଛରେ ନ ରହୁ ଦଳିତ , 
ନ ହେଉ ନିଷ୍ପେସିତ , 

କିନ୍ତୁ ଆଜି ଆମେ ବଞ୍ଚିତ ...।

ଆମ ପରିଶ୍ରମ ରାତି ଅନ୍ଧାର ରେ 
କୋରାଳି କାନ୍ଦି ଉଠେ, 
ଆମ ପ୍ରତିଭା ଜାତି ର ପରିଚୟ ତଳେ ଲୁଚି ଯାଏ ...।

ଅଭାବ ର ଅନ୍ଧାର ରେ ଅନେକ ଅଣ ଆରକ୍ଷଣ ପିଲା 
ସ୍ବପ୍ନ କୁ ଆହୁତି ଦିଏ , 
ଯୋଗ୍ୟତା ଥାଇ ବି ଅଯୋଗ୍ୟ ସାଜେ ....।

ସମାନତା ଛଳରେ ଉଠିଛି ଅସମାନତା ର ଏକ ଅଦୃଶ୍ୟ ପାଚେରୀ , 

ରାତି ଉଜାଗର ର ପରିଶ୍ରମ ହଜିଯାଏ ବ୍ୟବସ୍ଥା ର ଜଟିଳତା ଭିତରେ ...।

ମା ର ବନ୍ଧକ ଗହଣା , 
ବାପା ର ଝାଳ ବୁହା ପଇସା ,
ଅଭାବୀ ମନରେ ଉଠିଥିବା ଆଶା , 
ସବୁ କିଛି ହଜିଯାଏ , 
ଆରକ୍ଷଣ ର ତରାଜୁ ରେ ....।

ଚୟନ ର କ୍ରିୟା ନ ହେଉ , 
ଜାତି ର ଆଧାର ରେ , 
ବରଂ ସାଜୁ ଅର୍ଥନୈତିକ ମାନଦଣ୍ଡ ରେ ....।

ପ୍ରତିଭା ର ପୁଷ୍ପ ଟି ଝଡି ନ ପଡୁ ଆରକ୍ଷଣ ର ବନ୍ଦୀ ରେ , 
କିମ୍ବା 
ପ୍ରତିଯୋଗିତା ନ ହେଉ ଜାତି ର ଆଧାର ରେ ....।

ପରିଶ୍ରମ କୁ ମିଳୁ ସମ୍ମାନ , 
ପ୍ରତିଭା ଫୁଟି ଉଠୁ ପାଇ ପ୍ରୋତ୍ସାହନ ....।

ବିଭେଦ ର କାରଣ ନ ହେଉ ଜାତି ର ପରିଚୟ .., 
ବରଂ ଜାତି ର ଗୌରବ ଗଢି ଉଠୁ ବିଭେଦ ର ବିଲୟ ରେ ....।

©️®️
Priyadarsini Das