ପ୍ରଥମ ପ୍ରେମ

ଖୁସିରେ ନାଚିଲା ସାରା ଆକାଶଟା

ପୀରତିର ଝର ବୋହିଲା

ପ୍ରଥମ ଦେଖାରେ ପ୍ରଥମ ପ୍ରେମ ମୋ

ଯେବେ ସଫଳତା ପାଇଲା ।

ଝଲ ମଲ ତାରା ଗହଳି ଭିତରୁ

ଦେଖିଲି ତା' ଚାନ୍ଦ ମୁହଁ

ତାରା ଗହଣରେ ଚାହିଁ ଥିଲା ମୋତେ

ତା'ର ଢଳ ଢଳ ଆଖି ଦ୍ୱୟ ।

ନୂଆ କରି ମୁହିଁ ତା' ପ୍ରେମେ ପଡିଥିଲି

ଗାଉଥିଲି ପ୍ରେମ ଗୀତ

ତା' ନିଆରା ହସ ଭରି ଦେଲା ହୃଦେ

ପ୍ରେମର ମିଠା ସଙ୍ଗୀତ ।

ଝଲମଲ ରୋଷଣୀ ସଜାଇଲି ଘର

ପ୍ରିୟା ମୋ ହୋଇଲା ରାଜି

ସାତ ଜନମକୁ ସମ୍ପର୍କ ଯୋଡିଲୁ

ପ୍ରେମ ଫାଶେ ହେଲୁ ବନ୍ଦୀ ।

ଭରିଗଲା ହୃଦ ପ୍ରତି କଣିକାରେ

ପ୍ରଣୟ ମଧୁର ସଂଗୀତ ଧ୍ୱନି

ଦୁଇ ପ୍ରେମ ପକ୍ଷୀ ହୋଇଗଲୁ ଏକ

ଶୁଣି ଶୁଣି ପ୍ରେମ ପ୍ରତିଧ୍ୱନି ।