ପ୍ରେମ

ନିୟତି ପ୍ରଦତ୍ତ ହୃଦୟରେ ପ୍ରେମ

କେବେ କାହା ସାଥେ ହୁଏ

ଜୀବନେ ଅମଡ଼ା ବାଟ ନୂଆ କରି

ମାଡିବାକୁ ପଡ଼ିଥାଏ।। 

ହୃଦୟରେ ଥରେ ପ୍ରେମ ବସା ହେଲେ

ଭାଙ୍ଗି ପାରେ ନାହିଁ କେହି

ପ୍ରିୟ ଓ ପ୍ରେୟସୀ ଦୁହେଁ ଦୁହିଁଙ୍କଠୁ

ଭିନ୍ନାଭିନ୍ନ କିଛି ନାହିଁ।।

ଜଣଙ୍କ ଓଠରେ ଆଉ ଜଣେ ହସେ

ଲୁହ ଢାଳେ ଦୁଃଖ ବେଳେ

ପାଦ ଚିହ୍ନ ପରେ ପାଦ ଥାପି ଥାପି

ସାତ ଜନ୍ମ ଚାଲି ପାରେ।।

ସଂସାର ପଥରେ ଉଚ୍ଚ ଖାଲ ଦେଖି

ଟଳମଳ ପାଦ ହେଲେ

ସଂଭାଳି ନିଅନ୍ତି ବିଶ୍ବାସ ବଳରେ

ପ୍ରେମର ଏକ ଶକ୍ତି ଭଲେ।।

ଏହି ପ୍ରେମ ପବିତ୍ରତାର ସହିତ

ହୃଦୟରେ ଜାଗା ଦିଅ

ପ୍ରେମେ ସ୍ବାର୍ଥ ଭାବ ରଖ ନାହିଁ କେବେ

ଏ ସଂସାର ପ୍ରେମ ମୟ।।