ପ୍ରତୀକ୍ଷା

ତୁମକୁ ଅପେକ୍ଷା କରିଲି ସଜନୀ

ତୁମ ଗାଆଁ ତୋଟାର ମାଳେ

ପ୍ରେମ ଦିବସରେ ପ୍ରେମ କରିବାକୁ

ଗୋଧୂଳି ଲଗନ ବେଳେ।।

ପ୍ରତ୍ଯୁଷୁ ପ୍ରତୀକ୍ଷା ପ୍ରଦୋଷ ତମାମ

ତୁମେ ଆସିଲନି ପ୍ରିୟେ

ଗୋଲାପ ଝାଉଁଳି ସରମୀ ଗଲାଣି

ଦରଜ ହେଲାଣି କାୟେ।।

ମଲମ ତୁମେ ତ ମୋ ପାଇଁ ସାଥି

ମନସା ବୁଝିଲ ନାହିଁ

ଦରଜ ମରିବ କେମିତି କୁହ ଗୋ

ହୁଏ ମନ ହାଇଁ ପାଇଁ।।

ତୁମେ କି ଜାଣିନ ଅପେକ୍ଷା କରିବା

କଷ୍ଟ ଦିଏ ମନେ କେତେ

କଥା ଦେଇ କାହିଁ ଆସିଲ ନାହିଁ ଗୋ

ତୁମ ପ୍ରିୟ ଝୁରୁ ଥାଇ।।

ଏଇଠି ପଡିଲା ଗୋଲାପ ମୋହର 

ଚାହିଁ ତୁମ ବାଟ ସାଥି ।।

ଶୁଖିଲା ଗୋଲାପ ନୁହେଁ ପ୍ରିୟା ମୋର

ପ୍ରେମ ଗଲି ତହିଁ ମାଖି ।।

ଛୁଇଁ ଦେବ ଟିକେ ତୁମରି ହାତରେ

ପାଇଯିବ ଜୀବ ଇଏ

ତୁମ ହାତ ଯାଦୁ ପରସ ପାଇଲେ

ଭିଜିବ ମୋ ପ୍ରାଣ ହାଏ।।