ନେତାଜୀ

କହରେ ପିଲେ କିଏ

ଦିଲ୍ଲୀ ଚଲୋ ଡାକରା ଦେଲେ କିଏ

ଭାରତ ମାତାର ସୁଯୋଗ୍ୟ ସନ୍ତାନ 

ନେତାଜୀ ସୁବାଷ ସିଏ ।

ପିତା ଥିଲେ ତାଙ୍କ ଜାନକୀନାଥ 

 ମାଆ ଥିଲେ ପ୍ରଭାବତୀ

ପିଲାଟି ଦିନରୁ ଦେଶର ଚିନ୍ତା

ଘାରୁଥିଲା ତାଙ୍କୁ ଦିନରାତି ।

ଚେହେରା ରେ ଥିଲା ସିଂହଠାଣି

ମୁଖୁଁ ଝରୁଥିଲା ଅଗ୍ନିବାଣୀ

ଦେଶ ପ୍ରେମର ଯଜ୍ଞରେ ସେତ

ଝାସ ଦେଇଥିଲେ ଜାଣିଶୁଣି ।

କହୁଥିଲେ ସିଏ ଦିଅରେ ରକ୍ତ

ଦେବି ମୁଁ ସ୍ବାଧୀନତା

ଯାହାଙ୍କ ପାଇଁ ମୁକ୍ତ ହେଲା

ଆମ ଏ ଭାରତମାତା ।

ଶତ୍ରୁ କୁ କରି ଥରହର

ଉଡ଼ାଇ ତ୍ରିରଙ୍ଗା ଫରଫର

ଆଜାଦ୍ ହିନ୍ଦ୍ ଗଠନ କରି

ସଂଗ୍ରାମ କଲେ ମହାବୀର ।

ଚମକାଇ ଦେଲେ ବିଜୁଳି ଭଳି

ଶତ୍ରୁ କୁ ଦେଲେ ପାଦରେ ଦଳି

ବିପ୍ଳବୀ ବୀର ପୂଣ୍ୟ ମାଟିର

କେହି ତ ନଥିଲେ ତାଙ୍କରି ଭଳି ।

ଓଡ଼ିଶା ମାଟିରେ ଜନ୍ମ ତାଙ୍କର

ଭାରତ ମାଆର ଗଳା ର ହାର

ନେତା ଅଟନ୍ତି ସେ ସାରା ବିଶ୍ୱର

ତାଙ୍କ ପାଦେ କୋଟି କୋଟି ଜୁହାର ।