ସହଧର୍ମିଣୀ

ରାତିର ଅନ୍ଧାର ନୀରବତା ଭିତରେ,

ଖୋଜୁଛି ତୁମକୁ ସ୍ମୃତିର ଆଇନାରେ,

କିଛି ମୁହୂର୍ତ ଦୁରେଇ ଗଲେ,

ଖୋଜିବୁଲେ ତୁମକୁ ଶୁଷ୍କ ଖରାରେ ।

ନଖରା ତୁମ ମିଠା-ମିଠା ଲାଗେ,

ହସିରେ ତୁମ ମୁକୁତା ଝରିପଡ଼େ,

ହସ ଲୁହର ଲୁଚକାଳି ଭିତରେ,

ଖୋଜୁଛି ତୁମକୁ ଜୀବନ ସଂଗ୍ରାମରେ ।

ଦୁରେ ଥାଇ ଅନତିଦୂର ଲାଗେ,

ପ୍ରେମ ଯେମିତି ଛାଇ-ଆଲୁଅ ଭିତରେ,

ଛଅଥର ସାଥେ ନିଭେଇଲା ପରେ,

ଏ ସାତ ଜନ୍ମର ବଂଧନ ଲାଗେ ।

ପୁନଃଜନ୍ମକୁ ଅପେକ୍ଷିତ ପୁଣି ଥରେ,

ସାଥି ହେବ ସହଧର୍ମିଣୀ ରୂପରେ,

ଏ ଜନ୍ମର ସୁଖ-ଦୁଃଖ ଭିତରେ,

ତୁମ ସାନିଧ୍ୟ ପ୍ରତୀକ୍ଷଣେ ମାଗେ ।