ଅଭିମାନୀ

ମିଞ୍ଜି ମିଞ୍ଜି ସଂଜେ ସେ'ତ ତନ୍ଦ୍ରାୟିତ ସପନ

ଭିଜି ଭିଜି ନାଚୁଥିବା ଅଣାୟତ ଶ୍ରାବଣ ।।

ସେତ ପ୍ରେମ ସାତ ରଂଗ

ମୃଛନାର ସପ୍ତ ରାଗ ।

ଅଭିମାନେ ଜଳୁଥିବା-ଦହନର ଶିଖାଟିଏ ।।0।।

ଭାବେ ମୁଁ ସେ'ଚଇତାଳି

ଖେଳିଖେଳି ଲୁଚକାଳି 

ଫଗୁଣର ପୂନିଅଁରେ

ହାତେ ଧରି ଫଗୁଥାଳି

ସକାଳର ଫଗୁଣ ସେ

ମନ ତଳ ଦହନ 

ଶିହରିତ ପ୍ରାଣ ତଳେ-ପ୍ରଣୟ ଭରିଦିଏ।।୧।।

ଚାଲିଗଲେ ଫୁଲ ଝରେ

ହସେ ତା'ର ମପ ଭରେ

ଆଖିର କଜଳ ଗାରେ

କହେ କିଛି ଇଶାରାରେ

ସିଏ ସ୍ମୃତି ସେତ ଗୀତି

ଜୀବନର ପରିଣତି

ମନ ତଳେ ଉଙ୍କି ମାରେ-ଗାଇବାକୁ ଇଛାହୁଏ ।।୨।।