ଆସିଲ ଜୀବନେ ମୋ
ଆସିଲ ଜୀବନେ ମୋ
କୋଉ ପରୀ ରାଇଜର ପରୀଟିଏ ପରି
ସ୍ଵପ୍ନ ରାଇଜରେ ସାଥୀଟିଏ ପରି ॥
ବିଭାବରୀ ପ୍ରହରେ ସୀତାଂଶୁ କାୟା ପରି ।
ଅମ୍ବରେ ସୁବ୍ରତ ଅଂଶୁମାଳି ପରି ॥
ଆସିଲ ଜୀବନେ ମୋ
ରାଜନନ୍ଦିନୀ ଟେ ପରି।
ଆସିଲ ଜୀବନେ ମୋ
ରାଜନନ୍ଦିନୀ ଟେ ପରି ॥
ସରସୀ ମଧ୍ୟରେ ସରସୀଜ ଟିଏ ପରି।
ସ୍ରୋତସ୍ୱିନୀ ମଧ୍ୟେ ନାଆ ଟିଏ ପରି ॥
ପାରାବାରେ ଆଲ୍ହାଦ ଉର୍ମି ଟିଏ ପରି।
ବ୍ୟୋମଧୂପେ ସୈଦାମିନୀ ପରି ॥
ଆସିଲ ଜୀବନେ ମୋ
ରାଜନନ୍ଦିନୀ ଟେ ପରି।
ଆସିଲ ଜୀବନେ ମୋ
ରାଜନନ୍ଦିନୀ ଟେ ପରି ॥
ଗହନ କାନନେ ଆଘ୍ରାଣ ମଲ୍ଲୀ ଟିଏ ପରି।
ପ୍ରସ୍ଫୁଟିତ ପ୍ରସୂନେ ମଧୁପାୟୀ ପରି ॥
ନଭୋଦ୍ୱହ ନିରେଖି ନର୍ତ୍ତକୀ ବନପ୍ରିୟ ପରି।
ମୃତ୍ୟୁ ସମେ ଅମିୟ ଧାରା ଟିଏ ପରି ॥
ଆସିଲ ଜୀବନେ ମୋ
ରାଜନନ୍ଦିନୀ ଟେ ପରି।
ଆସିଲ ଜୀବନେ ମୋ
ରାଜନନ୍ଦିନୀ ଟେ ପରି ॥
ନୟନେନ୍ଦ୍ରିୟେ ଅନେକ ଆକାଂକ୍ଷା ପରି।
ଜୀବନେ ସୁରମ୍ୟ ସାଥୀ ଟିଏ ପରି ॥
ମନ ଉପବନେ ମନୋଜ୍ଞ ପୁଷ୍ପ ଟିଏ ପରି।
ପ୍ରେମେ ପ୍ରିୟସି ପ୍ରିୟତମା ପରି।
ଆସିଲ ଜୀବନେ ମୋ
ରାଜନନ୍ଦିନୀ ଟେ ପରି।
ଆସିଲ ଜୀବନେ ମୋ
ରାଜନନ୍ଦିନୀ ଟେ ପରି ॥