ଆସିଛି ପୁଣି

ଆସ ବଉଳ ଆସ ମକର

   ସଜବାଜ ସବୁ ହୋଇ l

ସ୍ୱାଧୀନତା ଦିବସ ଆସିଛି ପୁଣି

  ଆନନ୍ଦ ଉଲ୍ଲାସ ନେଇ l

ତ୍ରିରଙ୍ଗା ତଳେ ହେବାରେ ମେଳି

  ଗାଇବା ଭାରତମାତର ଜୟ l

ସ୍ୱାଧୀନ ଭାରତର ସନ୍ତାନ ଆମେ

  ନାହିଁ କାହାକୁ ଭୟ l

ଆଜିର ଦିନରେ ନେବା ଶପଥ

  ରଖିବା ଦେଶର ଟେକ l

ପଢିବା ବଢିବା ଦେଶକୁ ଗଢିବା

   ହେବା ବୀର ସଇନିକ l

କୁନା ଦେଲାଣି ଭାଷଣ ଦେଖ

  ସୁହାନି କଲାଣି ନାଚ l

କୁନି ପାଦରେ ଦୋହୁଲୁ ଅଛ

Advertisement

ି

  ଏଡ଼େ ସୁନ୍ଦର ମଞ୍ଚ l

ଗଗନେ ପବନେ ଶୁଭୁଛି ଆଜି

  ଭାରତର ଜୟ ଗାନ l

ମୁକ୍ତ କଣ୍ଠରେ ବର୍ଣ୍ଣିତ ହୁଏ

   ମହାପୁରୁଷଙ୍କ ବଳିଦାନ l

ସ୍ୱାଧୀନତାର ଗହନ ବାରତା ଯେତେ

   ଗୁରୁଜୀ ଦେଲେ ବଖାଣି l

କୋମଳ ମନେ ଜାତୀୟ ପ୍ରୀତି ଭରେ

   ତାଙ୍କରି ମର୍ମ ବାଣୀ l

ମିଷ୍ଟାନ୍ନ ଖଣ୍ଡେ ହାତରେ ପାଇ

   ଆନନ୍ଦ ସରଳ ପ୍ରାଣ l

ଦାଣ୍ଡ ଦୁଆରେ ଟିକି ଭଉଣୀ

   ଚାହୁଁଛି ପୁଣ ପୁଣ l