ଘରେ ଘରେ ଉଡେ ତ୍ରିରଙ୍ଗା

ଘରେ ଘରେ ଆଜି ଉଡେ ତ୍ରିରଙ୍ଗା 

   ଶାନ୍ତି ମୈତ୍ରୀ ର ବାରତା ବହି 

ଗୋଟିଏ ମା ର ସନ୍ତାନ ଆମେରେ 

  ଭିନ୍ନା ଭିନ୍ନ ର ସଂଶୟ କାହିଁ l

ତିନି ରଙ୍ଗର ପଣତ ଘୋଡେଇ ଦେଇ 

  ସ୍ନେହ ଶ୍ରଦ୍ଧା ର ପିୟୁଷ ଦେଇ 

ସଭିଙ୍କୁ ଦେଇଛି ଅଭୟ କୋଳ ସେ 

ସାରା ବିଶ୍ୱେ ଭାଇଚାରାର ବାର୍ତ୍ତା କହି l

ପତକା ତଳେ ଶପଥ ନିଅ ସର୍ବେ 

 ସଂକୀର୍ଣ୍ଣ ସ୍ୱାର୍ଥ କୁ ଜଳାଞ୍ଜଳି ଦେଇ 

ମାତୃଭୂମି ଟେକ ରଖିବା ଅକ୍ଷୁର୍ଣ୍ଣ ସଦା 

 ନିଜ ଲହୁ ଲୁହ ନିଗାଡ଼ି ଦେଇ l

ପୁଣ୍ୟ ଭୂମି ଦେବ ଭୂମି ଭାରତ 

 ବିଶ୍ୱ ଗୁରୁ ରୂପେ ଦୁନିଆଁ ପୂଜଇ 

ଏହାରି ବକ୍ଷରେ ଜନମ ଲଭିଛେ ସତେ 

ଶତ ପୂଣ୍ୟଫଳ ର ସ୍ୱରୂପ ଏଇ l

ସ୍ୱାଧୀନ ଆମେରେ ସ୍ୱାଧୀନତା ଆମ ଅଧିକାର 

ସ୍ୱାଧୀନ ଭାରତ ହୋଇଲା ଯାହାଙ୍କ ପାଇଁ 

ଆତ୍ମ ବଳିଦାନ ହେବନି ବିଅର୍ଥ କେବେ 

ଶପଥ ନେବା ମୋ ଭଉଣୀ ଭାଇ l

ଗଗନ ପବନ ଧରା ନାଦେ ପ୍ରକମ୍ପିତ 

 ଦେଶ ପ୍ରେମ ର ନାରା ଦେଇ 

ଦେଶବାସୀ ହୃଦ ହେଉ ଉଦ୍ଭାସିତ ଆଜି 

ଜାତୀୟତା ର ବହ୍ନି କୁ ନେଇ l