ପିପିଲିକା
ପିପିଲିକା
ସଂସାରରେ ଦେଖ ଅତି କ୍ଷୁଦ୍ର ଜୀବ
ପିପିଲିକା ନାମ ତା'ର ।
ହରଷ ମନରେ କାର୍ଯ୍ୟ କରୁଥାଏ
ହୋଇ ସଦା ତତପର ।।
ଝଡି ବରଷାକୁ ଭୟ ତା' ନଥାଏ
ଖାଦ୍ୟର ସଙ୍କଟ ପାଇଁ ।
ବର୍ଷା ଦିନ ହେବା ଆଗରୁ ଖାଦ୍ୟକୁ
ସାଇତି ରଖନ୍ତି ନେଇ ।।
ଭାରି ଶୃଙ୍ଖଳିତ ଜୀବନ ତାଙ୍କର
ଧାଡି ବାନ୍ଧି ସଦା ଯା'ନ୍ତି ।
ଦୁଇ ଚାରି ଜଣ ମିଶି ବଡ଼ ଖାଦ୍ୟ
ବୋହି ଧରି ଆସିଥାନ୍ତି ।।
ପ୍ରଥମେ ଆଘାତ କାହାକୁ କେବେ ବି
ସେମାନେ କରନ୍ତି ନାହିଁ ।
ଆଘାତ ପାଇଲେ ଆଘାତ କରନ୍ତି
ଏକତାର ବଳ ନେଇ ।।
ସଂସାରର ଶ୍ରେଷ୍ଠ ହେ ଜୀବ ମାନବ
ତାଙ୍କ ଠାରୁ କିଛି ଶିଖ ।
ହେଲେ ମଧ୍ୟ କ୍ଷୁଦ୍ର ଆମକୁ ଅନେକ
ଦେଉଛନ୍ତି ଶିକ୍ଷା ଦେଖ ।।