ଆଜି ସରସ୍ୱତୀ ପୂଜା

ଆଜି ସରସ୍ୱତୀ ପୂଜା

ଗାଧୋଇ ପାଧୋଇ ନୂଆ ଜାମା ନାଇ

ସଜ ହୋଇଲାଣି ଲିଜା ।

ଭୋଗଥାଳି ହାତେ ଧରି

ଭାଇକୁ କହୁଛି ଆସ ତୁ ଜଲଦି

ପୂଜା କାଳେ ଯିବ ସରି ।

ନଡ଼ିଆ କଦଳୀ ସାଥେ

ଅଙ୍ଗୁର କମଳା ସେଓ ସଜାଡ଼ିଛି

ଖୁସୀମନେ ନିଜ ହାତେ ।

ସକାଳୁ ତୋଳିଛି ଫୁଲ

ଟଗର ,ମନ୍ଦାର, ମଲ୍ଲୀ ,କନିଅର

ଗୁନ୍ଥିଅଛି ସିଏ ମାଳ ।

ଭାଇର ହାତକୁ ଧରି

ସ୍କୁଲରେ ପହଞ୍ଚି ପୂଜିଲା ମାଆକୁ

ଖୁସିରେ ମୁଣ୍ଡିଆ ମାରି ।

କହିଲା ଦିଅ ମା' ବର

ପାଠଶାଠ ପଢି ନାଆଁ ମୁଁ ରଖିବି

ମୋର ବାପା ବୋଉଙ୍କର ।