ବନ୍ଧୁ ଅଟବୀ

ଅଟବୀ ସାହାଯ୍ୟ କରଇ ଆମକୁ

    ବନ୍ଧୁ ପରିଚୟ ଦେଇ ।

ନିଜ ଜୀବନକୁ ଉତ୍ସର୍ଗି ଦିଏ ସେ

    ମାନବଙ୍କ ସେବା ପାଇଁ ।।

ସଠିକ୍ ସମୟେ ବର୍ଷା ହେବା ପାଇଁ

   ସାହାଯ୍ୟ କରଇ ବନ ।

ବନ ଜାତ ଦ୍ରବ୍ୟ ବିକ୍ରି କରି ଆଜି

   ମାନବେ ଲଭନ୍ତି ଧନ ।।

ଶ୍ୱାସ କ୍ରିୟା ପାଇଁ ଅତିଦରକାରୀ

   ଅମ୍ଳଜାନ ବାଷ୍ପ ଟିକ ।

ବୃକ୍ଷ ଅଛି ବୋଲି ପାଉଛନ୍ତି ଆମେ

   ନଚେତ କରନ୍ତେ ଶୋକ ।।

ବଡ ବଡ ଗୃହ ଅଟ୍ଟାଳିକା ମାନ

    ନିର୍ମାଣ କରିବା ପାଇଁ ।

ଅରଣ୍ୟ ସାହାଯ୍ୟ କରଇ ଆମକୁ

    ତାହାରି ଦ୍ରବ୍ୟକୁ ଦେଇ ।।

ଜଙ୍ଗଲରୁ ଜାତ ଅନେକ ଫଳକୁ

    ବଞ୍ଚନ୍ତି ମାନବେ ଖାଇ ।

ବାୟୁ ତାପମାତ୍ରା ନିୟନ୍ତ୍ରିତ ହୁଏ

   ବନ୍ଧୁ ଅଟବୀର ପାଇଁ ।।

ଧନ୍ୟ ତୁମେ ବନ୍ଧୁ ମାନବ ଗଣଙ୍କ

    ଧନ୍ୟ ତୁମ ବନ୍ଧୁ ପ୍ରେମ ।

ବନ୍ଧୁଙ୍କ ନିମନ୍ତେ ଆନନ୍ଦ ଚିତ୍ତରେ

   କରୁଅଛ ଏତେ କାମ ।।