Library
Profile
ଆଶାର ନୂଆ ସକାଳ
ଆଶାର ନୂଆ ସକାଳ
ସ୍ନିଗ୍ଧ ମଳୟର ନବ ଗୁଞରଣ
ମହମହ ବାସ୍ନାରେ ବାସ୍ନାୟିତ
ନୂଆ ସକାଳ
ନୂତନ ଆଶା ଓ ଉଦ୍ଦୀପନା ର ଉତ୍ସ
ସେ ନୂଆ ସକାଳ
ଆଶାର କିରଣ ସର୍ବତ୍ର ବିଚ୍ଛୁରିତ
ସାକାର କରିବାକୁ ହେବ ସେହି ଇଚ୍ଛା ସ୍ରୋତ
ମନରେ ଭରିବାକୁ ହେବ
ଆଉ ଏକ ଅଭିନବ ପ୍ରୟାସ ।
କାଲି ପର୍ଯ୍ୟନ୍ତ ଯାହା ଥିଲା ହୁଏତ ନିରର୍ଥକ
କିନ୍ତୁ ଆଗାମୀ କାଲିର ନୂଆ ସକାଳ
ପ୍ରତି ପ୍ରାଣେ ଭରିଦେଉ ନୂଆ ଉମଙ୍ଗ
ଅପସରି ଯାଉ ରୋଗ ଶୋକ ଦୁଃଖ ।
ଅନିତି, ଅତ୍ଯାଚାର ମୁକ୍ତ ହେଉ
ଆଗାମୀ ନୂଆ ସକାଳ
ନରହୁ ଅସୂୟା, ଘୃଣା, ଅହଂକାର
ନଘଟୁ ଅଘଟଣ
ଯାହାପାଇଁ ପୁଣି ଅବଶୋଷ କରିବାକୁ
ଖୋଜିବାକୁ ନ ପଡୁ ଆଉ ଏକ ଜୀବନ ।
ଶିକ୍ଷା ଓ ସ୍ବାସ୍ଥ୍ୟ ହେଉ ସବୁରି ଉନ୍ନତିର ମୂଳମନ୍ତ୍ର
ଏ ଦେଶର ଆର୍ଥିକ ସ୍ଥିତି ହେଉ ସୁଦୃଢ
ହିଂସା ହତ୍ୟା ରାହଜାନି ହୋଇଯାଉ ବିଲୁପ୍ତ
ରାଷ୍ଟ୍ର ହେଉ ଭ୍ରଷ୍ଟାଚାର ମୁକ୍ତ
ବେକାରି, ଦାରିଦ୍ର୍ୟତାର ହେଉ ପତନ
ନରହୁ ଉଚ୍ଚ ନୀଚ୍ଚ ଭାବ
ଏଠି ଆମେ ପରା ସଭିଏଁ ସମାନ ।
ମହା ଦୁର୍ବିପାକ କରାଳ କରୋନା ହେଉ ବିନାଶ
ସମ୍ଭାଳି ରଖ ତୁମ୍ଭ ସୃଷ୍ଟି ଆହେ ପ୍ରଭୁ ମହାନାୟକ ।
ଦୟା, କ୍ଷମା, ସ୍ନେହ, ଶାନ୍ତି, ମୈତ୍ରୀ, ପ୍ରୀତି ହେଉ
ସବୁରି ପ୍ରାଣେ ଜାଗ୍ରତ
ହସିଉଠୁ ଧରଣୀ ନବ ସୂର୍ଯ୍ୟର କିରଣରେ
ହସିଉଠୁ ନୂଆ ପ୍ରଭାତ!
! ସ୍ଵାଗତ ହେ ନବ ବର୍ଷ - ୨୦୨୩ !
