STORYMIRROR

Sarojini Mishra

Abstract Inspirational

4  

Sarojini Mishra

Abstract Inspirational

ଆଶା-୨୦୨୫

ଆଶା-୨୦୨୫

2 mins
408



ଆଶା ନୁହେଁ ବୈତରଣୀ ଅଙ୍କାବଙ୍କା ନଈ

ସୀମାହୀନ ସାଗର ସଲୀଳ

ଅସରା ଆଶାର ବାଲୁକା ରାଶିରେ

ଜୀବନ ର ପୁରି ଥାଏ କାଳ ।

ଆଶା ଥିଲା ଆଶା ଅଛି ଆଶା ରହି ଥିବ

ଆଶା ଅଟେ ଚାଲିବାର ରାହା

ଆଶା ହୋଇଗଲେ ବାସ୍ତବତା ଶୂନ୍ୟ

ଜୀବନରେ ବହିଯାଏ ନିରାଶାର ବାଆ ।

ଆଶା ରେ ଜୀବନ ବଞ୍ଚେ ଆଶା ଶେଷହୀନ

ଆଶା ଦେଇଥାଏ ଧୈର୍ଯ୍ୟ ବାରତା

ଆଶା ହୋଇଗଲେ ଆସକ୍ତି ବିଧୁର

ମିଳେ ଖାଲି ଜୀବନରେ ତିକ୍ତତା ।

ବିଗତ ର ଆଶା ପଢୁଅଛି ଆଜି

ଖୋଜେ ବିଫଳତା କାରଣ ରାଜି

ପଚ଼ିଶି ଆସିଛି ଆଶା ର ମହଲ

ଗଢ଼ି ହେଉଅଛି ପୁନତଃ ଆଜି |

ଆଶା ଖୋଜେ ଆଜି ତିକ୍ତ ରେ ମଧୁର

ସଂପର୍କ ରେ ବୁଝାମଣା ର ଡୋର

ଆଶା ମନ୍ଦିରରେ ସଂସ୍କାର ଦୁଆରେ

ଶଙ୍ଖ ଶବଦ ରେ ପୁରିବ ଘର |

ଆଶାରେ ଦେଖୁଛି ବିଦ୍ୟା ମନ୍ଦିରରେ

ଗୁରୁ ଶିଷ୍ୟ ପରମ୍ପରା ଅନନ୍ୟ

ଅନୁଶାସନ ରେ ପ୍ରେମ ପ୍ରୀତି ରଙ୍ଗେ

ଜ୍ଞାନ ଗଙ୍ଗା ବହେ ହୋଇ ତଲ୍ଲୀନ ।

ଆଶା ଦରପଣେ ପରିବାର ଦେଖେ

ଯେଉଁଠି ବହୁଛି ସଂସ୍କାର ସ୍ରୋତ

ଶିକ୍ଷା ସଂସ୍କାର ର

ଅପୂର୍ବ ମିଳନ

ଧରଣୀ ହେଉଛି ମହିମା ବନ୍ତ ।

ଜୈବ ମଣ୍ଡଳର ସମତା ରକ୍ଷଣ

ସୁସ୍ଥ ସମୀରଣେ ଧରଣୀ ତୃପ୍ତ

ସଂସ୍କୃତି ଗାଉଛି ନବୋଦୟ ମନ୍ତ୍ର

ଆତ୍ମ ଚେତନାରେ ସୁପ୍ତ ଜାଗ୍ରତ ।

ଆଶା ଅନ୍ତରୀକ୍ଷେ ଘୁରି ବୁଲୁଛି ଯେ

ଶାନ୍ତି ର କପୋତ ଉଡ୍ଡାଣ ଧରେ

ଯୁଦ୍ଧ ବିଭୀଷିକା ଅନ୍ତିମ ସମୟ

ଭ୍ରାତୃପ୍ରେମେ ବିଶ୍ଵ ଚାହେଁ ବିଭୋରେ ।

ଅସ୍ତ୍ରବିରତି ର ପୂର୍ଣ୍ଣାହୂତି ଧ୍ବନୀ

ଶାନ୍ତି ବେଦ ଗାନେ ବିଭୋର ହୁଏ

ପରିବେଶେ ଭରେ ଜୀବନର ବାର୍ତ୍ତା

ମଧୁର ପ୍ରୀତିରେ ପରାଣ ମୋହେ ।

ଆଶା ର ନଦୀଟି ଅଙ୍କା ବଙ୍କା ହୋଇ

ଦେଖୁଛି ରାସ୍ତାରେ ନିର୍ଭୟ ସ୍ରୋତ

ରାତି ଅନ୍ଧାରରେ ଅନୁଢ଼ା ଯୁବତୀ

ନିଃସଙ୍କୋଚେ ଚାଲେ ହୁଡ଼େନା ପଥ ।

ଆଶା ଅନ୍ତର୍ମୁଖୀ ପଚିଶି କୁ ଦେଖେ

ଆତ୍ମ ଚେତନାରେ ପ୍ରଣବ ଛନ୍ଦ

କର୍ତ୍ତବ୍ୟ ଆହ୍ବାନେ ବନ୍ଧିତ ଜୀବନ

ସ୍ନେହ ସମୀରଣ ବହୁଛି ମନ୍ଦ ।

ଆଶା ଚାହିଁ ଅଛି ଏ ପଥ ପ୍ରାନ୍ତରେ

ପଚିଶି ପ୍ରଗତି ରଥେ ଆସୁଛି

ସେବା ଦୀପ ଜାଳି ବନ୍ଦାପନା କରି

ସୁକଲ୍ୟାଣ କଥା କହି ଯାଉଛି |


Rate this content
Log in

Similar oriya poem from Abstract