Library
Profile
ଆସ ଭରିଦେବା ରଙ୍ଗ ସବୁଜିମା
ଆସ ଭରିଦେବା ରଙ୍ଗ ସବୁଜିମା
ଜୀବନ ଦର୍ଶନ ଜ୍ଞାନ ଓ ବିଜ୍ଞାନ
ସତ୍ୟ ସୁନ୍ଦରର ଛବି
ମାନସ ପଟଳେ କରେ ସନ୍ଦର୍ଶନ
ତଲ୍ଲୀନ ବିଭୋର କବି ।
ଭାବକଳ୍ପ ରୂପେ ସମ୍ଭବଇ ସୃଷ୍ଟି
ପ୍ରକଟେ ମଧୁର ବାସ
ଅଭିବୃଦ୍ଧି ହୁଏ ଗୁଣାତ୍ମକ ମାନ
ପ୍ରଜନ୍ମଇ ନବନ୍ମେଷ ।
କବିତ୍ୱ ପ୍ରତିଭା ସୁମନ ସୁରଭି
ଅମୃତ ସର୍ଜନଶୀଳ
ସର୍ବାଗ୍ରେ ସବୁଠି ପୂଜନୀୟ କବି
ହେଉ ଦେଶ ଦେଶାନ୍ତର ।
ଭାବ ମଧୁମୟ ମଳୟ ସମୀର
ଅଧ୍ୟାତ୍ମ ଜ୍ୟୋତି ଆଲୋକ
କବି ବିଶ୍ୱପ୍ରାଣ ଅମୃତ ସନ୍ତାନ
ଅହି°ସା ଶାନ୍ତି ଦ୍ୟୋତକ ।
ବଳିୟାନ ରାଜା କ୍ଷମତାର କେନ୍ଦ୍ର
ଦେଖାନ୍ତି ଆତ୍ମ ବଡିମା
ଭୋଗ ବିଳାସରେ କାଟି
ଥାନ୍ତି ଦିନ
ଲଙ୍ଘନ୍ତି ମର୍ଯ୍ୟାଦା ସୀମା ।
ମଣନ୍ତି ନିଜକୁ ସବୁଠାରୁ ଶ୍ରେଷ୍ଠ
ସାକ୍ଷାତ ପରମେଶ୍ୱର
ସ୍ୱର୍ଣ୍ଣ ସିଂହ।ସନେ ମୁକୁଟ ମଣ୍ଡିତ
ରାଜନ ଆଜ୍ଞା ଅଟଳ ।
ବିରାଟ ପ୍ରସାଦ ରତ୍ନ ମଣିମୁକ୍ତା
ଆଜ୍ଞାବହ ଦାସଦାସୀ
ଗର୍ବ ଅହଙ୍କାର ଶତ୍ରୁ କରେ ବୃଦ୍ଧି
ପରଜା ହୁଅନ୍ତି ଦୁଃଖୀ ।
ପୂଜା ପାଏ ସିନା ଆପଣା ମୂଲକେ
ରାଜନ କ୍ଷମତା ବଳେ
ଝଟକେ କମଳ କାବ୍ୟର ସୈ।ରଭ
ଦଶଦିଶ ସମୁଜ୍ଜ୍ୱଳେ ।
ଆସ କବିକୁଳ ସରସ ସୁନ୍ଦର
ନିରେଖିବା ସୂର୍ଯ୍ୟୋଦୟ
ଭରିଦେବା ପ୍ରାଣେ ରଙ୍ଗ ସବୁଜିମା
ଉତ୍କୃଷ୍ଟତା ଅଭ୍ୟୁଦୟ ।
-----
