ଆନ୍ତର୍ଜାତୀୟ ପଖାଳ ଦିବସ
ଆନ୍ତର୍ଜାତୀୟ ପଖାଳ ଦିବସ
ଜଗନ୍ନାଥ ଦେଶ ଓଡ଼ିଶା ପ୍ରଦେଶ
ପଖାଳ ହାଣ୍ଡିର ପିଣ୍ଡ. ;
ନିଆରା ଏ'ଖାଦ୍ୟ ବିଶ୍ଵରେ ବିରଳ
ଉଦରେ ପକାଏ ମଣ୍ଡ. !!
ସଂସ୍କୃତି ବିଭବି ଜଗନ୍ନାଥ ଛବି
ଉତ୍କଳୀୟ ପରମ୍ପରା ;
ପଖାଳ ସହିତ ପ୍ରଭୁତ ଜଡିତ
ଛପନ ଭୋଗରେ ପରା !!
କଳିଙ୍ଗ ଉତ୍କଳ ବହୁ ପୁରାତନ
କୃଷି କର୍ମକାର.ବୀର.;
ପଖାଳରେ ତୃପ୍ତି ଚଷା ପୁଅ ନିତି
ତୋରାଣି ସରାଗି ନର. !!
ଆହକି ସଂଯୋଗ ଲାଗଇ ବିଚିତ୍ର
ପଖାଳ ପରାଣ ମିତ. ;
ଶାଗ ଭଜା ସଙ୍ଗେ ପଖାଳ ମହକେ
ବଡିଚୁରା ଝୁରେ ସତ. !!
ଟିକି ଚୂନା ମାଛ ପଖାଳର ସଂଗ
ଟାମ୍ପେର ଶୁଖୁଆ ଛେଚା ;
ରସୁଣକୁ ଲଙ୍କା ସଜାଡ଼ି ରଖିଥା
ଖାଇ ଦେବି ଦୁଇ କଂଶା !!
ପଖାଳ ସହିତ ଘନିଷ୍ଠ ସମ୍ପର୍କ
ବସାଦହି କଞ୍ଚା ଲଙ୍କା ;
ସବୁଠୁ ବଢିଆ ଛୁଇଁ ଆଳୁ ଭଜା
ମେଣ୍ଟିଯିବ ସବୁ ଆଶା !!
ମାଆ ହାତ ରନ୍ଧା ପଖାଳ ପରସା
ଭୁଲିତ ହବନି ଜମା ;
କେତେସେ ବ୍ୟଞ୍ଜନ କରଇ ଯୋଗାଡ
ପୁତ୍ରସ୍ନେହୀ ସୁନା ମାମା !!
ଶୁଖୁଆ ପୋଡାଠୁ ଆଳୁ ଚୋଖା ଯାଏ
ଯତନେ ପରସେ ମାଆ ;
କ୍ଷେତରୁ ଆସିବ ମୋ ଯୋଦ୍ଧା ସୈନିକ
ପଖାଳ ତାହାର ସାହା !!
ଏପରି ଏ'ଖାଦ୍ୟ ବିଶ୍ଵରେ ବଦିତ
ଗ୍ରୀଷ୍ମକାଳେ ସ୍ବାସ୍ଥ୍ୟପ୍ରଦ. ;
ଉଦରକୁ ଥଣ୍ଡା ରଖଇ. ସର୍ବଦା
ଭାରି ମିଷ୍ଠକ ତା'ସ୍ଵାଦ. !!
ପଞ୍ଚ ତାରକାରେ ପଖାଳ ମହକେ
ସୁଲଭ ଦରରେ ଆଜ ;
ଭଳିଭଳି ପୁଣି ବ୍ୟଞ୍ଜନର ଥାଳି
ସଜାଡ଼ି ଦିଅନ୍ତି ସଜ. !!
ଦେଶ ବିଦେଶରେ ପଖାଳ ଖ୍ୟାତିରେ
ସବୁଠି ଏ'ଗ୍ରହଣୀୟ . ;
ସବୁରି ଆଦର ପଖାଳରେ ମୋହ
ଉତ୍କଳୀୟ ବାଞ୍ଛନୀୟ . !!
ପାଳୁଛି ଏ ବିଶ୍ଵ ପଖାଳ ଦିବସ
ଗୌରବ ଗାଥାକୁ ଗାଇ ;
ସର୍ବଶ୍ରେଷ୍ଠ ଖାଦ୍ୟ ଜଗନ୍ନାଥ ମିତ୍ର
ନିଆରା ମହକ. ଭାଇ !!
ମାର୍ଚ୍ଚ ମାସର ଏ କୋଡିଏ.ତାରିଖ
ପଖାଳ ପଞ୍ଜିକା ସ୍ମୃତି ;
ପଖାଳ ଦିବସ ପାଳନେ ହରଷ.
ମନପ୍ରାଣେ ଭରେ ଶାନ୍ତି !!