ଲାଇବ୍ରେରୀ
ପ୍ରୋଫାଇଲ୍
ମନ ପକ୍ଷୀ
ମନ ପକ୍ଷୀ
1 min
231
ମନ ପକ୍ଷୀ ମୋର
ଉଡିଯାଆନ୍ତା କି
ମନୁଆ ଠାକୁର ପାଶେ
ମନ ଭରି ତାକୁ
ଦେଖନ୍ତି ମୁଁ ଟିକେ
ଦୁଃଖ ମିଶା ଦରହାସେ।
ମନେ ଯାହା ଅଛି
ଅକୁହା ବେଦନା
ଗାଆନ୍ତି ଗୀତରେ ଯାଇ
ଭୋକ ଶୋଷ ସବୁ
ଭୁଲି ମୁଁ ଯାଆନ୍ତି
ତା ସାଥିରେ ଭେଟହୋଇ।
କେମିତି ବୁଝିବୁ
ମନ କଥା ମୋର
ତୁ ପରା ମନୁଆ ରଜା
ମନ ହେଲେ ଖାଉ
କ୍ଷୀରି,ପୁରି,ଅନ୍ନ
ଶାକର ସହିତ ଖଜା ।
ଷାଠିଏ ପଉଟି
ଖଞ୍ଜା ତୋହ ପାଇଁ
ଚାଲିଛି ଆନନ୍ଦେ ସଜା
ମୋ ପାଇଁ କାହିଁକି
ଏତେ ନିରିଦୟ
ମିଳୁନି ମଳୁଖ ଭଜା।
ମନେ ମନେ ଝୁରେ
କଳା ସାଆନ୍ତ ହେ
ପାଖକୁ ନିଅହେ ଡାକି
ମନପକ୍ଷୀ ମୋର
ମିଶନ୍ତା ତୋଠାରେ
ଜୁଇଟା ହୁଅନ୍ତା ସାକ୍ଷୀ।
