ଆନ୍ତର୍ଜାତୀୟ ବନ୍ଧୁତା ଦିବସ

ଆନ୍ତର୍ଜାତୀୟ ବନ୍ଧୁତା ଦିବସ ଟି 

ଅଟେ ଜୁଲାଇ ତିରିଶ,

ବନ୍ଧୁତା ଅଟଇ ସବୁଠାରୁ ଶ୍ରେଷ୍ଠ

ଭରେ ମନରେ ପିୟୁଷ l

ମନ ଦୁଃଖବନ୍ଧୁ ଲାଘବ କରନ୍ତି 

ଆଶ୍ୱାସନା ସଦା ଦେଇ,

କ୍ଷୀର ନୀର ପ୍ରାୟ ସମ୍ପର୍କ ବନ୍ଧୁତା 

ଭିନ୍ନା ଭିନ୍ନ କିଛି ନାହିଁ l

ଯେତେ ଦୂରେ ଯିଏ ରହିଲେ ବି ତାଙ୍କ

ବନ୍ଧୁତ୍ୱ ନହୁଏ କ୍ଷୁର୍ଣ୍ଣ,

ବିପଦ ଆପଦେ ଉତ୍ସବ ବ୍ୟସନେ 

ହୋଇଥାନ୍ତି ଏକମନ l

ବନ୍ଧୁ ମହାନ୍ତିଙ୍କୁ ଭୋଗ ଥାଳି ଦେଲେ

ପ୍ରଭୁ ତାଙ୍କ ଦୁଃଖ ଦେଖି,

ସୁଦାମା ଙ୍କୁ ଦେଲେ ସକଳ ଐଶ୍ୱର୍ଯ୍ୟ

ଖୁଦ ଭଜା ତାଙ୍କ ଚାଖି l

ନୟନରୁ ଯଦି ବହିଯାଏ ଲୁହ

ବନ୍ଧୁ ସାଜିଥାଏ ହାତ,

କହିବା ପୂର୍ବରୁ ବୁଝି ଯାଇଥାଏ

ମନର କଥାକୁ ସେତ l

ସମାଜରେ ଯଦି ସଭିଙ୍କ ମଧ୍ୟରେ

ବନ୍ଧୁତା ଭାବ ବଢିବ,

ଇର୍ଷା ଦ୍ୱେଷ ଆଦି ଲୋପ ପାଇଯାଇ 

ସମାଜ ମଙ୍ଗଳ ହେବ l

ଦେଶ ଦେଶ ଆଉ ରାଜ୍ୟ ରାଜ୍ୟ ମଧ୍ୟେ

ରହିଲେ ବନ୍ଧୁତ୍ୱ ଭାବ,

ଶାନ୍ତି ପ୍ରୀତିମୈତ୍ରୀ ବିରାଜିତ ହୋଇ 

ଯୁଦ୍ଧ ହିଂସା ଦୂର ହେବ l

ମିତ୍ରତା ବଢିଲେ ସଭିଏଁ ସଭିଙ୍କ

ସୁଖ ଦୁଃଖ ସମୟରେ,

ହାତକୁ ମିଳାଇ ସହଯୋଗ କଲେ

ଦୁଃଖ ଚାଲିଯିବ ଦୂରେ l

ବନ୍ୟା ବାତ୍ୟା ଅବା ମରୁଡି ସମୟେ

ଏକମନ ସର୍ବେ ହୋଇ,

ପରସ୍ପର ଦୁଃଖ ଲାଘବ କରିବେ

ସହୃଦୟ ତା ଦେଖାଇ l

ଆସରେ ଆଜିର ବନ୍ଧୁତା ଦିବସେ

ସଭିଏଁ ଶପଥ ନେବା,

ସମ୍ପର୍କ କୁ ଆମ ଦୃଢ଼ କରିବାକୁ 

ସ୍ନେହ ପ୍ରେମ ବୁଣିଦେବା l