ଆମକୁ ଶିଖାଏ ଆମରି କଥା

କା କା କରି ଡାକିଲା କାଉ 

କୋଇଲି ଗାଇଲା ଗୀତ 

କୁକୁଡୁ କୁ କୁକୁଡା ଡାକେ 

ସକାଳ ହେଲା ମିତ ।

 ଟପ ଟପ କରି ଗୋବର ପାଣି 

 ପକାଇ ଝାଡୁ ଧରି 

ଦାଣ୍ଡ ଅଗଣା ବୋଉ ମୋ ଝାଡେ 

 ବିଛଣା ଦିଅ ଛାଡି ।

ଗାଈ ଗୁହାଳୁ ବାଛୁରୀ ଧାଏଁ 

କଅଁଳ ଖରା ଦେଖି 

ଖୁସି ମନରେ ଦୌଡ ମାରେ 

ଚଗଲା ମଳେ ଆଖି ।

ପପୁ କୁକୁର ଜଗିଛି ଘର 

ଭାରି ବିଶ୍ବାସୀ ସିଏ 

ଚୋରର ଡର ଜାଣିଛ ପିଲେ 

 ତା ପରି ହେବ କିଏ ।

ବଳଦ ଯୋଡା ଖାଇକି ନଡା 

ଅଳସ ଛାଡି ଦେଇ 

ଚାଷ କରିବେ ଆମରି ପାଇଁ 

କାନ୍ଧେ ଲଂଗଳ ବୋହି ।

ପୁଷି ବିଲେଇ ଭାରି ଓଲେଇ 

 ସଫା ସୁତୁରା ଖୋଜେ  

ନାହିଁ ଅତର ସାବୁନ ଲୋଡା

   ଶୋଇପଡିବ ଶେଜେ ।

  

ଆମରି କଥା ଆମକୁ କୁହେ 

   ଆମରି ମିତ ପିଲେ 

ଜୀବ ଜଗତ ଆମରି ବଂଧୁ 

  ଯତନ ନିଅ ଭଲେ ।

 ସ ଅଳ ଉଠ ନକର ମଠ 

    ପାଠ ପଢିଲେ ବସି 

ସକାଳ ପାଠ ମନେ ରହିବ 

    ଗୁରୁଜୀ ଦେବେ ହସି ।