ଆମ ପ୍ରେମ

ଆମ ପ୍ରେମ ନ ହେଉ ସ୍ବର୍ଗୀୟ

ନର୍କର ଜୀବଟିଏ ଭଳି

ତମେ ଥିଲେ ପାଖେ ପାଖେ ମୋର

ଦୁନିଆ କହିବ ନିଶ୍ଚେ

ଶାଶ୍ବତ ପ୍ରେମ ଆମ ହୋଇବ ଅମର ।

କିଏ ଜାଣେ ସ୍ବର୍ଗ ଆଉ ନର୍କ ର ସଂଜ୍ଞା

କୁହ କିଏ କାଳ ଡାକ କରିଛି ଅବଜ୍ଞା

କିନ୍ତୁ ପ୍ରେମ ମାନେନାହିଁ ବାଡ

ପ୍ରେମ ଠୁଁ ପ୍ରେମର ନିଶା ଅତି ଭୟଙ୍କର

ଶାଶ୍ବତ ପ୍ରେମ ଆମ ହୋଇବ ଅମର ।

ନୀଳ ଜହ୍ନ ନୀଳ କଇଁ ଆକାଶ ନୀଳିମା

ସତେ ଅବା ଜ୍ୟୋତ୍ସ୍ନାଭିଜା ପୂର୍ଣ୍ଣିମା ପୂର୍ଣ୍ଣିମା

ତମ ଦେହ ଋପକାନ୍ତି

ଅନନ୍ୟ ଅନୁପମା ପ୍ରୀତିର ସମ୍ଭାର

ଶାଶ୍ବତ ପ୍ରେମ ଆମ ହୋଇବ ଅମର ।

ଚାହିଁ ଦେଲେ ଛାତି ଯାଏ ଚିରି

ଛୁଇଁ ଦେଲେ ଜଳିଗଲା ଭଳି

ତୋ ଋପ ଅଙ୍ଗ ଶୌଷ୍ଠବେ

କୋଣାରକ ପ୍ରୀତି ଅଭିସାର

ଶାଶ୍ବତ ପ୍ରେମ ଆମ ହୋଇବ ଅମର ।

ବାୟାଣୀ ତୁ ହେବୁନି ଲୋ ଜମା

ନହୁଅ ଶ୍ରୀରାଧା ତୁହି ନହୁଅ ଗୋ ମୀରା

ମୋ'ପାଇଁ ତୋ' ମୁକୁଳା କେଶ

ଆଜି ବି ଲାଗେ ଧନ ଅଧିକ ସୁନ୍ଦର

ଶାଶ୍ବତ ପ୍ରେମ ଆମ ହୋଇବ ଅମର ।

ଜାଣ ତୁହି ପ୍ରୀତି ପଥ ଅତି ଭୟଙ୍କର

ଜୀବନ ଜିଇଁବା କଳା - ଖୁବ୍ କଷ୍ଟକର

ଦୁନିଆ ତ ଦୁଇ ପଟେ ନିଆଁ

ସେ ନିଆଁରେ ବଞ୍ଚିବାର ଶ୍ରେୟ

ଶାଶ୍ବତ ପ୍ରେମ ଆମ ହୋଇବ ଅମର ।

ନ ହୁଅ ତୁ ଆକାଶର ସ୍ବର୍ଣ୍ଣିମ ଜହ୍ନ

ମୋ'ଗାଁ ଘରବାଡି ଚହଲାପାଣିକୁଣ୍ଡେ 

ହେଲେ ହୁଅ ତା' ପ୍ରତିଫଳନ

ସମ୍ପର୍କ - ଏ ପ୍ରୀତିର ଅଭେଦ

ଶାଶ୍ବତ ପ୍ରେମ ଆମ ହୋଇବ ଅମର ।

ରାଗିବୁନି ବାଛିବୁନି ମୋ'କଥା ବାଛ କି ବିଚାର

ଅଭିମାନ ଶ୍ରେୟ ଆଉ ସ୍ବାଭିମାନ ସ୍ବର

ଭଲ ପାଏ ଆକାଶ ଠୁଁ ବେଶୀ

ତୁହି ମୋ' ଭାବନା ସ୍ବପ୍ନ ଆଗାମୀ ଦିନର

ଶାଶ୍ବତ ପ୍ରେମ ଆମ ହୋଇବ ଅମର ।