ଆଜିର ଶିଶୁ

ଆଜିର ଶିଶୁ ଯେ କାଲି ହେବ ନିଶ୍ଚେ

    ଏ ଦେଶର କର୍ଣ୍ଣଧାର

ଏହି ସମ୍ଭାବନା ରହିଛି ତା' ପାଖେ

    କଦାପି ହେଳା ନକର

    ଆଜି ଯେ ବଡ ହୋଇଛି

ସେତ ଦିନେ ପୁଣି ହୀନିମାନ ଥିଲା

   ସମୟ ସାକ୍ଷୀ ରହିଛି ।

ଉଦ୍ୟାନରେ ଫୁଟି ଛୋଟ ଫୁଲଟିଏ

     ସୁବାସ ବିତରି ଥାଏ

ଶିଶୁଟି ସେପରି ବଡ ହୋଇ ଦିନେ

    ଦେଶ ଗୌରବ ବଢାଏ

    ଦେଶର ସମ୍ପଦ ସିଏ

ସେ ଓଠରେ ଯଦି ହସ ନଫୁଟଇ

    ଦେଶ କି ଗର୍ବିତ ହୁଏ ।

ପାଳନ ପୋଷଣ ଅଭାବ ନରହୁ

    ତାହାର ବଢିବା ପାଇଁ

ଦେଶ ଦେଶର ସେ ଭବିଷ୍ୟତ ଜାଣ

    ତା' ପାଇଁ ଦେଶ ହସଇ

   ଦିନେ ସେ ବଡ଼ ହୋଇବ

ଆପଣା ସୁରଭି ବାଣ୍ଟି କୋଣେ କୋଣେ

    ସଭିଙ୍କ ମନ ମୋହିବ।