ଚକାନୟନ ମୋ କାଳିଆ ଧନ

  ଚକା ନୟନ ମୋ କଳା ବାମନ

ରଥ ଯାତରାକୁ ଶ୍ରୀକ୍ଷେତ୍ରକୁ ମୋତେ

 ନେଇଯାରେ ଥରେ କାଳିଆ ଧନ

   ଚକାନୟନ ମୋ ---------।0।

ଭକତ ମେଳରେ ତୋ ରଥକୁ ଯଦି

    ବଡ ଦାଣ୍ଡେ ଟାଣି ଦେବି

ସାତ ଜନମର ପାପ ନରକରୁ

    ସତେ ଉଦ୍ଧାର ପାଇବି

ତୋ ଚକା ଆଖିରେ ଆଖି ମିଶିଗଲେ

   ଜୀବନ ମୋ ହେବ ଧନ୍ୟ।

   ଚକାନୟନ ମୋ ----------।୧।

ଅଳି କରିବିନି ତୋପାଖେ କାଳିଆ

   ତୋତେ କଷ୍ଟ ହେଲା ଭଳି

ତୋ ଟଙ୍କ ତୋରାଣି ମୁନ୍ଦେ ପିଇବାକୁ

    ଇଛା ମୋର ବନମାଳୀ

ତୋପାଇଁ ସିନାରେ ଷାଠିଏ ପଉଟି

   ମୋ ପାଇଁ ସାତ ସପନ ।

  ଚକାନୟନ ମୋ -----------।୨।

ନନ୍ଦୀଘୋଷେ ବସି ଝୁଲି ଝୁଲି ଯେବେ

    ବଡଦାଣ୍ଡେ ଆସୁଥିବୁ

ମନ ଲୋଭା ସେଇ ଦିବ୍ୟ ଅନୁପମ

   କାନ୍ତିରେ ଝଟକୁ ଥିବୁ

ସେ ଦେବ ଦୁଲ୍ଲଭ ବେଶ ଦେଖି ଦେଲେ

   ପୁରି ଯିବ ମୋର ମନ ।

    ଚକା ନୟନ ମୋ --------।୩।