କେମିତି ଅଛ ହେ କଳା ସାଆନ୍ତ
କେମିତି ଅଛ ହେ କଳା ସାଆନ୍ତ
ଶୀରିକ୍ଷେତ୍ର କାଳିଆ ସୁନା
ସ୍ନାନ ମଣ୍ଡପରୁ ଯାଇଛ ଠାକୁରେ
ଆମ କଥା କିବା ମନେ ପଡେନା
ଶୀରିକ୍ଷେତ୍ର ।
ଅଣସର ଘରେ ରହିଲ
ଦଇତା ଙ୍କ ସେବା ଲୋଡିଲ
ଜଗତ ପୀଡାକୁ ଦୂର କରୁଥିଲ
ତୁମ ପୀଡା କଥା ବୁଝନି ସିନା
ଶୀରିକ୍ଷେତ୍ର ।
ଏତେ ସ୍ନାନ କଲ କିମ୍ପାଇ
ଅସୁସ୍ଥରେ ପଡିଲ ଯାଇ
ଜଗତର ଚିନ୍ତା ନିଜେ ବହିଅଛ
ସେଥିପାଇଁ କଷ୍ଟ ପାଉଛ ସିନା
ଶୀରିକ୍ଷେତ୍ର ।
ଦଶ ମୂଳ ମୋଦକ ଖାଇ
ସୁସ୍ଥ ହେଲ ଜଗତ ସାଇଁ
ଏଥର ହୋଇବ ବଡ଼ ଦାଣ୍ଡେ ବିଜେ
ମନକୁ ସାନ୍ତ୍ୱନା ମିଳିଲା ସିନା
ଶୀରିକ୍ଷେତ୍ର ।
ବଡ ଦାଣ୍ଡେ ରଥ ପ୍ରସ୍ତୁତ
ବିଜେ ହେବ ଜଗତ ନାଥ
ଭାଇ ଭଉଣୀ ଙ୍କୁ ସାଥିରେ ନେଇଣ
ମାଉସୀମା ଘର ବୁଲି ଆସନା
ଶୀରିକ୍ଷେତ୍ର ।