ଆନନ୍ଦ ବଜାର
ଆନନ୍ଦ ବଜାର
ଦରଶନ ଯଦି ନଦେବୁ କାଳିଆ
ଟିକେ ଅଭିଯୋଗ ନାହିଁରେ ମୋର
ପେଟ ପାଇଁ ମୁଠେ ଅବଢା ଦେବୁରେ
ଆନନ୍ଦ ବଜାର ଗଲେ ତୋହର
ଦରଶନ ଯଦି ।
ମହ ମହ ବାସେ ଆନନ୍ଦ ବଜାର
ଏମିତିକା ଜାଗା ଜଗତେ ନାହିଁ
ସାରା ଜଗତଟା ଆସରା କରିଛି
ଲକ୍ଷ୍ମୀ ମାତାଙ୍କର ପରସା ପାଇଁ
ଅଭଡ଼ା ଡାଲି ରୁ ମୁଠାଏ ଖାଇଲେ
ସକଳ ପାପରୁ ହୁଏ ଉଦ୍ଧାର
ଦରଶନ ଯଦି ।
ଏମିତି ବଜାର ଖୋଲିଛୁ କାଳିଆ
ଚଣ୍ଡାଳ ଅଇଁଠା ବ୍ରାହ୍ମଣ ଖାଏ
କେତେ ରୋଗ ବାଗ ଛାଡି ଚାଲିଯାଏ
ତୋ ମହା ପ୍ରସାଦ ଖାଇଛି ଯିଏ
ସୁବର୍ଣ୍ଣ ଥାଳିତ ସରିହେବ ନାହିଁ
କୁଡୁଆ ରେ ଥିଲେ ପ୍ରସାଦ ତୋର
ଦରଶନ ଯଦି ।
ରୋଗୀ ଭୋଗୀ ଯୋଗୀ ତପୀ ବଇରାଗୀ
ସକଳେ ସମାନ ସେଠାରେ ତୋର
ଶ୍ରୀକ୍ଷେତ୍ର ମାଟିରେ ଅଭାବ ନାହିଁରେ
ଦିନ ଦୁଃଖୀ ପାଇଁ ତୋର ଭଣ୍ଡାର
ଅବଢ଼ା ଡାଲିରେ ମୋହ ଲଗାଇ ତୁ
ଠୁଳ କରୁ ନିତି ଭକ୍ତ ହଜାର
ଦରଶନ ଯଦି ।