ବନ୍ଦେ ଭାରତ ଜନନୀ
ବନ୍ଦେ ଭାରତ ଜନନୀ
ବନ୍ଦେ ଭାରତ ଜନନୀ
ବନ୍ଦେ ଭାରତ ଜନନୀ
ବୀର ପ୍ରସବିନୀ ଚିର ଆହ୍ଲାଦିନୀ
ଅନନ୍ୟ ସୁଷମା ଶାଳିନୀ ।
ବନ୍ଦେ ଭାରତ ଜନନୀ।0।
ଶିରେ ହିମାଚଳ କଟିଦେଶେ ବିନ୍ଧ୍ୟ
ଚରଣେ ତୋ ମହା ସାଗର
ସବୁଜ ବନାନୀ ସୁମଣ୍ଡିତା ଶାଳି
କୋଟି ପୁଣ୍ୟ ତୀର୍ଥ ନିର୍ଝର
କେତେଭାଷା କେତେ ସଂସ୍କୃତିର ଗାଥା
ଧରିଅଛୁ ବିଶ୍ୱ ମୋହିନୀ ।
ବନ୍ଦେ ଭାରତ ଜନନୀ।୧।
ତୋର ମହିମାର ନାହିଁ ପଟାନ୍ତର
ଯଶ ଗଉରବ ଧାରିଣୀ
ପୁଣ୍ୟ ତୀର୍ଥ ତୋର ପବିତ୍ର ପରଶେ
କୋଟି ହୃଦୟ ରେ ବନ୍ଦିନୀ
ତୋର ମହାନତା କିଏ ବା କଳିବ
ତୋପାଇଁ ସୁନ୍ଦର ଅବନୀ ।
ବନ୍ଦେ ଭାରତ ଜନନୀ।୨।
ଧର୍ମ ଦର୍ଶନ ରେ ବିଶ୍ୱକୁ ମୋହିଛୁ
କୀରତୀ ର ସୌଧ ଗଢିଛୁ
ଗୋଟିଏ ସୂତାରେ ମାଳା ଟିଏ ସତେ
ମମତାରେ ବାନ୍ଧି ରଖିଛୁ
ଅନୁପମା ତୁହି ସୁଷମା ସମ୍ଭାରେ
ବିରାଜିଛୁ ଚାରୁ ହାସିନୀ ।
ବନ୍ଦେ ଭାରତ ଜନନୀ।୩।