ଆଧୁନିକତା

ଆଧୁନିକତା ଯେ ପ୍ରଶ୍ନବାଚୀ ଏଠି 

ଅପସଂସ୍କୃତି ଯେ ଉତ୍ତର ତାର 

ଭୋକର ଭୂଗୋଳ ଅକ୍ଷୂର୍ଣ୍ଣ ରହିଛି 

ପ୍ରତିଦିନ ମିଳେ ଏକା ଖବର 

ନଗ୍ନତା ହୋଇଛି ସାର

ମଣିଷ ବିକୁଛି ମଣିଷ ପଣିଆ 

ଦୟନୀୟ ଛବି ଏ ସମାଜର 

ନଗଡାର ଶିଶୁ,ନାରୀ ନିର୍ଯାତନା 

ଆଧୁନିକତାକୁ ପଚାରେ ପ୍ରଶ୍ନ 

ଆଧୁନିକତା ଯେ ବସ୍ତ୍ରରେ ସୀମିତ 

ମଉଳିଛି ଏଠି ଗରିବ ସ୍ବପ୍ନ 

ସଭିଏଁ ସ୍ୱାର୍ଥରେ ମଗ୍ନ 

ଆଧୁନିକତାର ଦ୍ୱାହି ଦେଇ ଏଠି 

ଆସି ପହଁଚିଲା ଅଶୁଭ ଲଗ୍ନ 

ଆଧୁନିକତା ଯେ ସଭିଏଁ ଲୋଡ଼ନ୍ତି 

କଟକରୁ କଳାହାଣ୍ଡି ପର୍ଯ୍ୟନ୍ତ 

ଗମନାଗମନ ଶିକ୍ଷା ପୁଣି ସ୍ୱାସ୍ଥ୍ୟ 

ଆବଶ୍ୟକତାର ନବ ଦିଗନ୍ତ 

କେବେ ହୋଇବ ତା ଅନ୍ତ 

ଆଧୁନିକତା ଯେ କେତେ କ୍ରିୟାଶୀଳ 

ବିଚାର କରନ୍ତୁ ବିଚାରବନ୍ତ ।