ନିଶ୍ଚୟ ମୁଁ ଦିନେ ଫେରିବି

ଜାଣେନାହିଁ କିଛି ଆଗତ କଥାକୁ    

କେମିତି ସଂସାର ଛାଡ଼ିବି

ଭଲରେ ଯିବି କି ଖରାପରେ ଯିବି

ନିଶ୍ଚୟ ମୁଁ ଦିନେ ଫେରିବି,

ଆଜି ମୁଁ ରହିଛି ଗତକାଲି ଥିଲି

ଆଗକୁ କେମିତି ବଞ୍ଚିବି

ତଥାପି ମନରେ ଦୁଃଖ ନାହିଁ ମୋର

ନିଶ୍ଚୟ ମୁଁ ଦିନେ ଫେରିବି,

ଜେତିକିରେ ଅଛି ଖୁସିରେ ଅଛି

ଦୁଃଖ କିଆଁ ମୁଁ କରିବି

ଜାଣିଛି ମୁଁ ଦିନେ ଏଇ ଦୁନିଆଁରୁ

ନିଶ୍ଚୟ ମୁଁ ଦିନେ ଫେରିବି

ଯିଏ ଆସିଅଛି ସିଏ ଫେରିଅଛି

ନିଜ ଅଭିନୟ ସାରିକି

ମୋର ଅଭିନୟ ସରିଯିବ ଯେବେ

ଚାଲିଯିବି ନିଶ୍ଚେ ଫେରିକି,