ଆଧୁନିକ ନାରୀ (ମହକ ପ୍ରେମେ)

ଅଲଗା ପ୍ରେମର ମହକରେ ତୁମେ

କେତେ ଉତୁରୁଛ ସତେ ,

ଯୌବନର ରଙ୍ଗ ସରିଯାଏ ବୋଲି

ଉପଭୋଗ କର କେତେ !!

ବେଶି ଲବଙ୍ଗର ଗୁଣ୍ଡ ପକେଇଲେ

ଚାହା ବି' ବେସ୍ଵାଦ ଲାଗେ ,

ଉତୁରା ଯୌବନ ସମ୍ଭାଳି ନହେଲେ

ଝୁଣ୍ଟି ତ' ପଡ଼ିବ କେବେ !!

ମହକର ରଙ୍ଗ ମୁହଁରେ ବୋଳିକି

ଆକର୍ଷିତ କରିପାର ,

ହୃଦୟେ ତୁମର ଆବର୍ଜନା ପୂର୍ଣ୍ଣ

ଅଭିନେତ୍ରୀ ସାଜିପାର!!

ଲୋକଙ୍କ ହୃଦୟେ ସହଜରେ ପରା

ଖେଳ ଖେଳିପାର ସତେ ,

ଅଭିନୟ ରଙ୍ଗ ଯେ' ଦିନ ଛାଡ଼ିବ

ବୟସ ନଥିବ ହାତେ !!

ମହକର ରଙ୍ଗ ପିଆଲାରେ ଭରି

ଉଛୁଳି ପଡୁଛି କପେ ,

କେତେ ଚା କପ୍ ଭାଙ୍ଗି ସାରିଲାଣି

ହିସାବ କରୁଥା ଆପେ !!

ଯୌବନର ରଙ୍ଗ ଥରେ ଆସିଥାଏ

ଚାହିଁଲେ ଫେରିବ ନାହିଁ ,

ମାନ ଓ ସମ୍ମାନ ସମ୍ଭାଳି ରଖିଲେ

ଅବଶୋଷ ରହିବନି !!

ହୃଦୟ କାହାର ଖେଳଘର ଭାବି

ଖେଳନା ହୃଦୟ ସାଥେ ,

ହୃଦୟ ହାଇ ଥରେ ଲାଗିଗଲେ

ଦୁର୍ଗନ୍ଧ ହୋଇବ ପଥେ !!

ନା' ରହିବ ତୁମର ମହକ ପ୍ରେମ

ନଚେତ୍, ନା' ଥିବ ତୁମେ ,

ବରଂ , ତା'ର ଲାଲ୍ ଆର୍ତ୍ତଚିତ୍କାରରେ

ଘଟ ପଡ଼ିଥିବ ଶୂନ୍ୟେ !!