वृध्दाश्रम वाढतायं

हाताचा पाळणा करुन वाढवते

लेकुरवाळी माय माऊली 

स्वत:च्या इच्छा मारुन

बाप लेकरांसाठी होतो सावली

बालपणी हट्ट पुरवितो

शाळेत ने आण करतो

वेळ पडली तर

स्वत: उपाशी राहतो

जशी लेकरे वाढतात

नवविश्वात लगेच रमतात

सहचारिणीसह नव्याने संसार थाटतात

आई वडील अडगळ वाटु लागतात

लहानपणी जे बोट पकडुन

शाळेला फिरायला जायचा

त्याच थरथरत्या हाताला कातरवेळी

वृध्दाश्रमाचा रस्ता दावतात

कटु असलं तरी

गल्लीपासुन दिल्लीपर्यत

हल्ली वृध्दाश्रम नवी नवी वाढतात