वळण जीवनाचे

फिरून मागे पाहिले वळणावर जीवनाच्या

खुणाच उरल्या नुसत्या चालत्या पावलांच्या

पाहिलेत पुष्कळ वणवे पेटताना घरास येथे

उंबराही झाला फितूर तोडून नाळ घराच्या

शोधात मृगजळ सुखाच्या माणूस आज आहे

होतो अंधुक भास्करही आड गडद ढगांच्या

आणले गोत्यात उन्हाने सोसवेना सावलीही

गेली भिजूनी जिंदगी पावसात आठवांच्या

मी प्रश्न टाकलेला होता डोळ्यात थिजलेला

का अडवले उत्तराला कुंपणाने पापण्यांच्या

होती अंधारली रात्र काजळासमान भासे

तरी काजव्याने छेडील्या तार काळजाच्या