सोहळा दिपोत्सव
सोहळा दिपोत्सव
1 min
372
आला दिवाळी पाडवा
भाऊबिजेचा सण
ओवाळीते बंधुराया
तुझी मायाळू बहीण
करी औक्षण मनोभावे
लावे कपाळी टिळा
हळू मायेच्या स्पर्शाने
फुलवी नात्याचा मळा
अत्तरी गंध उटण्याचा
लेप अंगाला लावते
मिळो शौर्य भाऊराया
वर देवाला मागते
भेट देऊन स्नेहाची
भाऊ करे बोळवण
पाणावले डोळे सांगे
ठेव मायेची आठवण
दिवा पणती लावून
देऊ नात्याला उजाळा
करू संपन्न साजिरा
दिपोत्सवाचा सोहळा