व्हाट्सअप्प / सोशलमीडिया

" फेका आणि फेकुंचा "

प्रचंड आलाय ऊत ;

" सोशल मीडिया " म्हणजे

बंद बाटलीतील भूत .

आजकाल सर्वत्र दिसतेय

" whatsapp " चे फ्याड ;

सर्व नातीगोती विसरून

फेसबुक- ट्विटरने म्याड .

घरोघरी- चुलीपर्यंत जे-ते

केवळ ऑनलाईन दिसतात ;

बालकांपासून- म्हाताऱ्यापर्यंत

सर्वच whatsapp ला भुलतात.

पती-पत्नी दोघांचे असते

Whatsapp- facebook ला खाते ;

विरहाचे प्रेमगीत बेडरूम

बिचारे आकांताने गाते .

सरकारी कामकाजातही सर्वत्र

" व्हाट्सअप्प " चीच सत्ता ;

" मुक्काम पोस्ट व्हाट्सअप्प "

सरकारी अधिकारी- कर्मचाऱ्यांचा पत्ता.

रोज पोस्टमागून पोस्ट करून

सहनशक्तीच्या मर्यादा पाहतात ;

कधी कधी तर मृत्यूआधी

" भावपूर्ण श्रद्धांजली " वाहतात.

चॅटिंग- कॉलिंग - शेअरिंग

हीच " whatsapp " ची ख्याती ;

" विधायक की विघातक " घ्यावे

असते आपल्या हाती.