वेळेस वेळ नाही...
वेळेस वेळ नाही...
आसवे गाळावयाला
मजलाही वेळ नाही
पुसण्यास आसवे माझी
तुलाही वेळ नाही
जखमा दिल्या मनाला
सावरण्यास वेळ नाही
भळभळती त्या अजुनही
बांधण्यास वेळ नाही
वचने दिली घेतली ती
आठवण्यास वेळ नाही
संगतीने चार पाऊले
चालण्यास वेळ नाही
वाटाच ह्या समांतर
भेटण्यास वेळ नाही
चुकले कुठे कुणाचे
सांगण्यास वेळ नाही
आयुष्य सरेल असेही
बोलण्यास वेळ नाही
वेळही निघून गेली
वेळेस वेळ नाही