वेदनांना अंत नाही

हृदयाच्या कोंदणात

वेदनांना अंत नाही

साहू किती सांग देवा

वैरी फक्त मजा पाही...१

साध्या स्वभावाचा घेई

हेच लोक हो फायदा

आम्ही हितचिंतक हो

करी खोटाच वायदा...२

सदा ठेवला विश्वास

पाठीमागे करी वार

राक्षसाची वृत्ती अशी

जीवनाची त्यांच्या हार...३

आयुष्यात केले कष्ट

नाही कोणाला महत्व

सत्य मार्ग स्विकारून

माणुसकी धरी तत्व...४

दिला दु:खाचा डोंगर

स्वामी कृपा केला पार

कर्म चांगले करूनी

आला जीवना बहार...५