वेड
वेड
वेड ही अशी प्रक्रिया
आवडे पुन्हा करण्याला
कधीही न येई कंटाळा
तेची असे *वेड* मनाला
मीरेला वेड कृष्णाचे
हरी नामात मन दंग
हरपूनी भूक तहान.
ध्यानी मनी सदा श्रीरंग.
कोणा वेड गायनाचे
लागतो जीवाला छंद
मन राही गायनी दंग
त्याच वेडात मिळे आनंद.
विठू भक्तीचे वेड तुकोबांना
आनंदें लीन भजनात
जय हरी विठ्ठल नाम
असे मन मंदिरात
वेड हे हवेच जीवनात
तेच देई आनंद मनाला
मन रिझविता विरंगुळा
मिळतो हर क्षणाला.
कुठल्याही सिद्धी प्राप्तीस
जरुरी असतो ध्यास
ध्यासच लावी वेड जीवाला
तोची बनतो जीवन श्वास