नव वर्ष मनी हर्ष

नव वर्ष मनी हर्ष

आतुरता स्वागताची

चालू वर्ष संपताच

 दिसे उत्कंठा नव्याची

झाल्या चुकां सुधारूनी

नको त्यांची उजळणी 

ध्यानी घेऊया नव्याने 

शाळा अनुभवी मनी

देऊ निरोप वर्षाला

नव्या हर्ष ऊल्हासाने

नव वर्ष स्वागताला 

उत्साहाच्या अत्तराने

करु नवीन संकल्प 

वाहो उत्साहाचे वारे

आत्म निर्भर बनूया

 सुखी सदा राहू सारे

नको कटु आठवणी

होवो सुखे सुरुवात

 सुख येवो नव वर्षी

आनंदाची बरसात

करु स्वागत नव्याचे

मोद मिळो या वर्षात

सारे जन जगातील

राहो सदाची हर्षात