वारीचा वारकरी
वारीचा वारकरी
आषाढी कार्तिकी पंढरीची वारी
भजनात दंग झाले वारीचे वारकरी
डोई तुळस हाती भगवा झेंडा
गळा तुळशीमाळा भाळी चंदनाचा टिळा
टाळ मृदुंग चिपळ्या होतो नामाचा गजर
भक्ती रसात उधळती गुलाल अबीर
नाही उन पाऊस नाही थंडी वारा
हरी भजनात दंग होतो विसर साऱ्याचा
पंढरीची वारी पुण्य पडते पदरी
सदा घडो सेवा माऊलीची आस ही अंतरी
आलो गळा भेटी ठेवावी कृपा दृष्टी
वारीचा मी वारकरी आलो तुझ्या पंढरपुरी