वार्धक्य

आनंदाचे जीवन जगता 

नकळत वार्धक्य येई 

अंथरुणाला खिळता 

कोणी साद न‌ देई ||१|| 

जीवन सारे असेच गेले

काबाडकष्ट करूनी 

न ठेवली कोणी जान

लावले झिडकारूनी ||२|| 

स्वप्ने होती अनेक उराशी 

दडपुन राहिली मनात 

वार्धक्याच्या झटक्याने

सारे जीवन गेले अंधारात ||३|| 

अंथरुण आपले जग 

अवघड असे जगणे

हृदयात असे सारे दुःख

तरी चेहऱ्यावर असे हसणे ||४|| 

खचुन गेले मन माझे

आधार मागे शब्दांचा 

परावलंबी असे जीवन

काय अर्थ या जगण्याचा ||५|| 

प्रत्येक क्षण असे कठीण 

वार्धक्यात जगताना

शांत होई देह माझा 

हळूवार प्राण सोडताना ||६||