वार झाले नेमके
वार झाले नेमके
एक क्षण नाही उमगले, काय झाले नेमके
आज हे नावे तिच्या, मज पत्र आले नेमके
बोल हे बोलून गेली, नेत्रभाषा ती मुकी
प्रेम म्हणजे काय ते, आता कळाले नेमके
लोचनांनी दोन मज त्या पाहिले काही असे
काळजावर हाय माझ्या, वार झाले नेमके
हाक ती ऐकून मी, सरसावलो होतो पुढे
चांदणेही त्याचवेळी, का निमाले नेमके
देह हा माझा प्रिये करतो हवाली मी तुझ्या
तू अता हृदयावरी मम घाल घाले नेमके