तुलाच आठवायचे

मनातल्या मनात मी तुलाच आठवायचे

तुझेच भास अंतरी उगीच साठवायचे

कधीतरी पुन्हा इथेच भेटशील तू मला 

उरात आस घेऊनी पुन्हा पुन्हा फसायचे

सुरेख नेत्र हे तुझे जयांत जन्म घेउनी 

कपोल गोड हे तुझे जिथे मला थिजायचे

अखेरचीच भेट ही अखेरचाच अलविदा 

अखेरचे तुझ्यापरी, मनात मी रडायचे 

नकोय रोजरोजचा असह्य त्रास हा मला

अता मला प्रिये तुझ्या मनात दरवळायचे

अशीच जा पुढे तुला सुखे मिळो क्षणोक्षणी 

तुला सुखांत पाहुनी नेत्र मी मिटायचे